Beat: Free Quenzy

Intro

Lueg, i bi dr Daddy i däm Game und si schäme sich scho frömd

Ou wenn niemer vorem Spiegu do sis Gägeüber könnt

Si säge hingedüre muesch erläbe wiener brönnt

I chume ufe wiene Stäge i die Gägend, wome gönnt

Hook

Si froge mi: mues das no si?

Jep, i bi dr Brain, und dir lueget grad i, ah

Si froge mi: mues das no si?

i steppe is Game, heb dr Fuess emou dri, ah

Si froge mi: mues das no si?

I wette s isch gheim, doch di Mueter isch Freak, ah

Si froge mi: mues das no si?

Ey jo, das isch Ziu vomne guete MC, ah

Verse

Tschou, i bi dr Brain und i bumse mit de Beats

Aui Dumme um mi ume, jo, ha Hunger uf die Schwiiz

Nei im Grund gno ischs mer gliich, öbi punkte bide Freaks

Das Ass, wo jede König übertrumpfet i sim Riich

Nei für mi ke Tabak, i mi Stumpe nume Weed

I hate nüt und nada und das chunnt nid us de Streets

Es chunnt us mim Härz und funket zu sim Reach

Ke retreats, i mues doch nid flunkere mit Cheats

haubi Hook

Si froge mi: mues das no si?

Jep, i bi dr Brain, und dir lueget grad i

Si froge mi:... 

Chunnt jetz scho wider e Hook? 

Verse

Lueg i bi dr Nöchscht und ha dr Auergröscht

Papi isch grad heicho, drum si aui so närvös

Wenn dr lieb sit mitenang, de wirdi nid bös

In Balance bini glöst, wie in Trance hani döst

D Chance isch schön e chli Spass mit de Clöwn

Das isch verpönt, s isch mer ds schaad, sisch mer ds schön

Vo bravere Tön bis zu scharf, dasses stöhnt

Bars wie vom Mars zu de Stars ufedröhnt

Hook

Si froge mi: mues das no si?

Jep, i bi dr Brain, und dir lueget grad i

Si froge mi: mues das no si?

steppe is Game, heb dr Fuess emou dri

Si froge mi: mues das no si?

I wette s isch gheim, doch di Mueter isch Freak

Si froge mi: mues das no si?

Ey jo, das Ziu vomne guete MC

Beat: Doc Breasy (yeah, that's me)

Verse

Es isch mer zblöd, wie mer tüe

Eifach umestöh, wie die Chüeh

Mir heis jo schön, ohni Müeh

Sanfti Tön scho sit früeh

Läck hei mers guet gha und immerno

Stimmts eso? 

Ungerächtikeite womer usem Sägu Wind hei gno

Bi eine vo dene wo d Leine ma hebe

Wenn blödi Hüng hate und zerre

Bringes is Reine und kene

vo dene Wixer isch safe wenni rede

Dis Gwüsse, das loht sich vom Brain lo erlege 

Muesch wüsse, verschone do keine, wo  chneblet

Entschlüssle, was si im Gheime berede

Ha Schlüssle zum Befreie vo jedem

Und die hesch ou du, wöu mir heis i üs 

No simer ds fuu und stöu imne Ghüüs

Anstatt uf d Strooss go as Höuf für die Lüüt

Döu hei haut nid so vöu vo däm Züüg

Was heisst do nid vöu, die meischte hei nüüt

Was zurächt bösi Geischter erzüügt

Versteisch es isch tüüf und heiss wienes Füür

Freiheit isch tüür! 

Hook

... do het ke Schwanz e Plan

... so wie dr Rantanplan

kämpfe wie dr Shantaram

gäg gottverdammti Scharlatan

Höheflug, ke Landebahn

Börsekurs, Blöde Hung...

Rantanplan, Böse Hung, 

Rrrampapam!

Verse

Si mache brav Sitz ufem Finanzplatz

Schön am Kreise, biisse sich dr eiget Schwanz ab

Dr ganz Staat macht mit bi dere Schandtat

Aues blödi Hüng wie Rantan

. Dr Plan isch jo klar, aber nei 

Solang mir üs säuber verarsche vergeit

D Chance uf das mer mou eis

Chöi si mit Balance versteisch

Blind am diene für Gäud

Immer verbiege für Gäud

Statt reguliere mit Gäud

So dasses nimerem fäut

Weder a Ässe, a suberem Wasser

No amne Dach mitme Ruum, wo chasch mache

Was du grad wottsch nach Luune und glasse

I Zuekunft chasch zoome und lache

Vöu meh Zyt für Muse und Laschter

Zäme die nöchschti Stuufe ertaschte

Mir hei jo aues wos bruucht ufem Chaschte...

Potztuusigi Sache

Bridge

Money mache... Money mache isch dr Grund...     wei aues

ha ir Kasse, es warte Masse dasses chunnt...        Könne 

paar wo hustle... Und jo, die maches mit de Pfung...      statt

Drama mache... wiene huere blöde Hung...     

Hook

... do het ke Schwanz e Plan

... so wie dr Rantanplan

kämpfe wie dr Shantaram

gäg gottverdammti Scharlatan

Höheflug, ke Landebahn

Börsekurs, Blöde Hung...

Rantanplan, Böse Hung, 

Rrrampapam!

Beat: Doc Breasy (jo, das bi ou ig. Wenni Beats baschtle.)

Intro

dir müesst nech gar nüm striite

müesst nech gar nüm stritte, wär de do dr Bescht isch,

wär de do so Freshscht isch, aye

i nime nech das ab, aues easy

gniesset eifach dr Sound

ey, ey, Doc Breasy

los mer zue

Verse

Egau was si würde säge, i ma die Bürde träge

Dr Bescht im Land si und mit Würde über Hürde schwäbe

erfrüsche öich wie chürzlech, äbe, indämi würze, s Läbe

Es ma ou Stürz verträge, Dräck a de Schürz lo chläbe

I ma nüm nürze wägem Hater womi stört ir Gägend

Bisch nid würdig, nä-ä, drum verchürzi Battles

Es isch unerhört z erwäge, dass mini Wörter kläglech

Gäg dä Gstört versäge, i weiss, es stört Versäger

Bi meh as Nerd, erwäget mir vo jetz a Murder ds säge

Egau öb Rapper oder nid, es si aui mine Words erläge

I warte und sisch easy ou wenn si fahre us der Huut

Wöu as Starche bliibe liisli, nur die Schwache wärde luut

... Zum luut si gäbe mini Texte Grund

Wi de ghörsch, verzöui nid nume - nei, i setzes um

Dr Auerbescht bin ig, ah yeah, das isch nid überheblech

Chasch di a mim Füdle hebe, wenn no wottsch drüberrede

Hook 2x

I has jo gar nid nötig, aber hautes gradmou fescht

Dir müesst nech nüme stritte - jo i bi dr Auerbescht

und wöu is grad vape, wachst gäge mi kes Chruut

im Stöue chöi dr hate, aber säget mers nid luut

Verse

I ha müesse warte, bis die Szene do es Level het

Wie wei si süsch begriiffe, dass i ha was no kene het

Räpper scho am Flüschtere: los, wie dä vo dene redt

Vor Gruppetherapie, wo's het entdeckt unds jede checkt

Lohs lo roue wie wenns Reder het, flowe wie mit jedem Text

Ou dassme z überlege hesch, Zouber, wo i jedem steckt

Ohni Gloube ke Effekt

Das isch Kunscht, mir hei nach au ihrne Regle Sex

Und isch dr Sound so fresh, han i im Fau es Fescht

Es isch eh scho aues messed, up wie die Clowns mit Meshes

Nei, es isch no nüüt verloore solang du dr Haut no hesch

Musig wo no tüüfer bohret? Heb di a de Aube fescht

... Vo dr Gruppetherapie, und scho baud bisch blessed

Figg dr Autagsstress, mir stöh über auem, yesss!

Und dir sit aui Gescht, chömed vo überau a d sesh

Gueti gits vöu, aber... I bi dr Auerbescht

Hook 2x

I has jo gar nid nötig, aber hautes gradmou fescht

Dir müesst nech nüme stritte - jo i bi dr Auerbescht

und wöu is grad vape, wachst gäge mi kes Chruut

im Stöue chöi dr hate, aber säget mers nid luut

Bridge

... Derbii ischs mer eigentlech egau Wöu

... Bliibe gliich stouz wiene Pfau

Drum

... machis äbe farbig statt grau

Und

... Wenn si rot gseh machi lieber blau

Beat: Doc Breasy

Hook

Jetz loset uf die

Greta! 

Sie het so rächt... Mir müesse Sorg zu däm

Planet ha!

Üs geits nid schlächt... Büesse morn für das 

bequem ha!

Meitschi, ächt... Rüef doch mou dere

Helvetia! mahnse wie Moneta

Greta!

Verse

Mir hei vöu i churzer Zyt verschandlet

Weis nid ändere und bliibe witerdranne

Houptsach no meh Profit erlange

Verändere üs nid, nume s Klima wandlet

... Am Planet ischs egau, dä schüttlet üs ab, mues sech haut schütze vom Pack

erdrückende Fakt: mir si unnützlechi Fucks, s git nüt z rüttle do dra, 

lüpfet dr Arsch, i schüttlenech wach

Mir hätte jo würklech no d Macht, zrügg zu dr Chraft, rücket nid ab

Für jedi Lücke, wo klafft, es Stück wo grad passt 

... Sowie Pfuuscht ufs Oug, gits do e Chlapf a Gring

... Du machsch di usem Stoub, ig dä, wo Ratte fingt

Se mitdr Muse hout und über Schatte springt

Jetz loset uf die Frou:

Hook

Jetz loset uf die

Greta! 

Sie het so rächt... Mir müesse Sorg zu däm

Planet ha!

Üs geits nid schlächt... Büesse morn für das 

bequem ha!

Meitschi, ächt... Rüef doch mou dere

Helvetia! mahnse wie Moneta

Greta!

Verse

Für üüs ischs beschisse, scho ztüüf inegritte, dr Tüüfu isch grisse

Enttüüschig i Gsichter, sis Füür het vernichtet, wöu mir uf nüüt hei verzichtet, vom Tüüre vergiftet

I stüüre und schiffe um Hüüchler und Pisser, wirde ke Lüüge vermisse

Mit Überzüügig isch sicher: i goh none Tüüte go kiffe

Säg, wie lang woh me no warte? 

Scho gli wachse Banane i mim Garte 

Mir hei jo schiins nid auzuschlächti Charte

Auso, wär chönnt säge, wie, mer starte? 

Hook

Jetz loset uf die

Greta! 

Sie het so rächt... Mir müesse Sorg zu däm

Planet ha!

Üs geits nid schlächt... Büesse morn für das 

bequem ha!

Meitschi, ächt... Rüef doch mou dere

Helvetia! mahnse wie Moneta

Greta!

Beat: Free Quenzy

Verse

Ha no e Tonne a Uufzgi 

aber no scrolli im Newsfeed

Eigentlech ischs vou nüm die Uhrziit, aber grad toll nochli uuf ds si

I stöue dr Wecker de grad wöune bruuche

Und stoh de grad uuf, aber zersch nochli snooze

Zersch nochli Muse, zersch unger Bruuse

Verpasse dr Bus wöu zersch muesi use! 

Hook

Jo, i maches de grad!

Numeno hurti, de chumi de, wart...

Jo, i maches de grad! 

Ha scho fasch aues parat

Jo i maches de grad! 

Hüt passts no nid i mi Tag

Aber i maches de grad

Muesch nume luege, i mache mi Part

Verse

... Und das machi de grad

Nachdäm i mis Kaffi ha gha

Nume no hurti und de machi mi dra

I bi wider z spoot, Habibi, wart! 

I bi de grad ume, wöu i de grad chume

Jo, i nimes easy, aber nid nume

De grad machis, de grad tueni und luege de

Irgendöpper mues jo de

döu rede vöu... Meh as si mache, Szene am mache, i gseh se nid lache

Merke si hasse, wenni dürezieh, was si eewig nid schaffe - lehres nid, z wachse

Sie chöme nid vom Fläck!... 

und rotiere im Stöustang

Am hate verbreite si Dräck...

Versäge wie Niere bi Möuzbrand

Hook

Jo, i maches de grad!

Numeno hurti, de chumi de, wart...

Jo, i maches de grad! 

Ha scho fasch aues parat

Jo i maches de grad! 

Hüt passts no nid i mi Tag

Aber i maches de grad

Muesch nume luege, i mache mi Part

Verse

Mir chönnte üs ou gägesitig pushe, aber nei,

I weiss nid uf was mer warte, wöu die Luft isch jo scho rein

Aso, nid die, womer schnuufe, wo sech dusse so verteilt

Do in isch dicki Luft, wo dr Fruscht so gedeiht

Und dä isch so gross, wärdet ne los, brächet uus, göht de Wärter dervo

Glägeheit isch immer zum Schmärze lo goh

Süsch wachse si wöud, bis dr Gärtner mues cho

Dä pflegt das Triibe bim Hecke schniide

Eifach mou mache - Entdecker simer

Ufem Teppech und nid uf dr Strecke bliibe

Stecke Ziu, setzte Eggepfiiler

Süsch isches schreeg, de machsches de grad

I gohs a und wachse de dra

Aui si nöime es Prachtsexemplar

Und niemer wird über Nacht zumne Star

Hook

Jo, i maches de grad!

Numeno hurti, de chumi de, wart...

Jo, i maches de grad! 

Ha scho fasch aues parat

Jo i maches de grad! 

Hüt passts no nid i mi Tag

Aber i maches de grad

Muesch nume luege, i mache mi Part

Beat: vo mir, aka Doc Breasy

Intro

ah, i kille Beats... yeah, wie Killabees

bzzz, bzzz

Hook

Schaffe, schaffe, schiffe, schlemme, schiisse, schloofe, shiiit... 

Mache fliissig feine Honig für die riissegrossi Biiitch

Schaffe für die Königin, wo mitz ir Sosse siiitzt

Schaffe, schaffe, schaffe, schaffe, schaffe git mer so dr Fiiigg

Verse

... Was simer nid aui für fliissigi Bindli?! 

... Schwirre desume bechöme ke Schiindli

... Hole dr Nektar us Blüete id Wabe

... Hole ke Schegg ab, büeze und lade

Königin luegt, dasses louft wisi wott

Und dass si immer pouschteret hockt

wär nid fliissig mitbout a däm Stock

Verlüürt mit der Zyt s Vertroue vom Boooss  

Wöukomme ir Show wome doch 

s Gfüeu het ir Luft chame boue es Schloss

Verdeckti Ouge wie Ross

Lueg wiemer üs zum Fouge hei brocht

Drum mues i scho chli hustle, Tracks nid nur us Hobby mache

Raps wo dripasse und nidnume Honig mache

... Dür das chani guet e Fuck gä! 

wöu i mues dr Königin Helvetia wider abgä

Bridge

...lieber chill i wie dr Willi vo dr Biene Maja...  

mitem Grashüpfer Flip übere Himalaya

...und nochli higher... und no chli higher...

Flüüge mitem Grashüpfer Flip übere Himalaya   

Hook

Schaffe, schaffe, schiffe, schlemme, schiisse, schloofe, shiiit... 

Mache fliissig feine Honig für die riissegrossi Biiitch

Schaffe für die Königin, wo mitz ir Sosse siiitzt

Schaffe, schaffe, schaffe, schaffe, schaffe git mer so dr Fiiigg

Verse

...mir si scharf uf dä Polle i de Blüete

...nei, do darfsch mitem Soll di nid begnüege

... Abgä tüemer einewäg.... 

Sooo vöu Polle, do wird meh aus eine zwäg 

Muesch luege, das ou dürechunnsch, Königin wott Überstung

... Bevor is Grüble chunnsch, chlopft si dir dis Füdle wund

Prüglet dr die Flügle chrumm, Houptsach bisch bim Bügle stumm

... Während Polle i die Chüble stunggsch

Nume Summe isch erloubt, für das bsungerige Goud

E nätti Summe isch Erfoug, e guete Summer, dasses growt

Für die Glungne ischs e Joke, doch, die Dumme heines gloubt

Und hingerfroge nid, für wie dumm me se verchouft

Bridge

...lieber chill i wie dr Willi vo dr Biene Maja...  

mitem Grashüpfer Flip übere Himalaya

...und nochli higher... und no chli higher...

Flüüge mitem Grashüpfer Flip übere Himalaya  

Hook

Schaffe, schaffe, schiffe, schlemme, schiisse, schloofe, shiiit... 

Mache fliissig feine Honig für die riissegrossi Biiitch

Schaffe für die Königin, wo mitz ir Sosse siiitzt

Schaffe, schaffe, schaffe, schaffe, schaffe git mer so dr Fiiigg

Outroblabla

Beat: Jayken

Verse

... Ohni Hemmig mitm Gring i Ruusch, wie am Kendrick sini Swimmingpools

du kennsch die übertribne Moves

Chuum pennsch i, wöu Lige schluucht

Du flennsch gli, du gisches uuf

Ou wenn gli scho wider suufsch

Gently, bis wider bruuchsch

Und nei, do zöui Blaze nid derzue, dasch mer heilig wie ne Chue

in Indie, weisch jo, wie das tuet

Du steisch scho mitme Schueh, im Abgrund, leischtdr nid derzue 

Dr Schritt i frei Fau, chumm, du weisch jo, jetz isch gnue

Jedem si Gnuss, regle dr Fruscht, hebe ar Luscht, rede vor Bruscht,

erlege die Sucht, mit Heble und Chneble zum Schluss... Behebe dr Stuss... 

. Weder e Bus, none Panzer cha bewege mit Wucht, unger de Reder vor Flucht

Hook

Vilich gsehnis z äng und s isch aues Nid so sträng, wie mer schlöh über d Sträng we mer göh dür die Gäng

gäng wie gäng mit dr Gang, nid empöre ab däm, bruuche fröhlechi Kläng, wo do ströme dür d Wäng

Bridge

... Wär sech beläbt mit Substanze

Louft Gfahr, dasser dra chläbt und erchranket

... Für mi nur diräkt us dr Pflanze

Si loht mi für Liebi lo bätte für s Ganze

2x

... Gimmer nomou, gimmer nomou, gimmer nomou... i brönne

... Gimmer nomou, gimmer nomou... 

Oder masch mers nid gönne? 

... Wär sech beläbt mit Substanze

Louft Gfahr, dasser dra chläbt und erchranket

... Für mi nur diräkt us dr Pflanze

Si loht mi für Liebi lo bätte

Hook

Vilich gsehnis z äng und s isch aues Nid so sträng, wie mer schlöh über d Sträng we mer göh dür die Gäng

gäng wie gäng mit dr Gang, nid empöre ab däm, bruuche fröhlechi Kläng, wo do ströme dür d Wäng

Beat: Doc Breasy

Für P sini Lyrics: gang ne go froge!

Hook

Ballere ume wie dr Rambo

Brrrrrrrrrr! 

Raps unchained wie dr Django

Gitit! 

Vo jetz a heimer s Kommando

Aachtung! 

Schickenech zrügg wie Zalando! 

Rötuur! 

Beände dä Hass und die Schand do

Ferti! 

Wäm das nid passt cha a d Wang stoh

Brrrrrrrr! 

S isch immer so gsi und no lang so

Soly! 

Jede Maddafakka wird vonang gno

Whooo! 

Verse Brain

I fahre dür Bars wie im Lambo - whoo! 

Di Lady scho gaga... Alejandro! 

Sie wird grad bad: Perdita Durango! 

Aber nid i mim Huus: Dikembe Motombo

I has Hang gno und ha nume Fun do

numeno zwanglos, tanzi mi Tango

Dr Bescht im Land do? Isch das e Fangfroog? 

Ke Sou isch imstand für die richtigi Antwort

Es dämmeret langsam und lüüchtetnech i

wini hämmere- bambam - tüüfer i Beat

I verändere gwandt, dank Züüg womi triibt

Und bi ständig dran, überflüüge Schwiiz

Räpper si im Fadechrüütz vorem Jeep

I ha shotgun, am Stüür isch dr P. 

Pulle dä Trigger und füüre nech i

Churz vor Vierzgi isch gar nüüt verbii

Auso chömed obe abe wöu do obe si die Pro's

Jede Schuss e Träffer, us Pischtole chöme Flows

s Klicke vom Lade frogt nid, öb fougsch

Öb followsch oder nid, das isch nonid mi Erfoug

Klick wenn mi füeusch, i hole mer mis Goud

Spitte shit so chüeu, das isch scho e chli mi Stouz

Ligge i das Gwüeu und bole wiene Sou

Wenns brönnt gits Chole wie us Houz

Hook

Ballere ume wie dr Rambo

Brrrrrrrrrr! 

Raps unchained wie dr Django

Gitit! 

Vo jetz a heimer s Kommando

Aachtung! 

Schickenech zrügg wie Zalando! 

Rötuur! 

Beände dä Hass und die Schand do

Ferti! 

Wäm das nid passt cha a d Wang stoh

Brrrrrrrr! 

S isch immer so gsi und no lang so

Soly! 

Jede Maddafakka wird vonang gno

Whooo!

Beat: säubergmacht by Doc Breasy

Verse

Wei meh as e wöudi Sou ha, Ferrari statt e Gouf ha

wei Versace, Gucci, Prada und e Mitgliedschaft im Gouf ha

Vergässe de mängisch die eigete Wärt, besässe vo Handys, stylische Grät

Choufe nur Scheisse vo weis nid wohär, Zyt zum besinne isch leider chli schwär

... Do bruuchts Asterix und Obelix

Chraft und Gschick und Hode dick 

Dass passt und sitzt und froget nid

I hasses sits verloge isch

E Massefigg vor Oberschicht

Mir fasse nid, wie grob as isch

Wies Fass, wo überloffe isch

. Üebe gschider mou Bescheideheit, Zfridesii statt Eimoueis

Lige dri, entscheide frei

Dasmer wider chli e Einheit hei

Ungerschidlechi und keinerlei

So bideri Verleider hei

I gibe, was i meine breit

Goscinny isch e geile Cheib

Hook

Är wird no gärn uf Häng dür irgend sone Mob treit

Het nume Angscht, dass ihm dr Himmu ufe Chopf gheit

Wiisse Ferrari - Houptsach e Schimmu, wo im Schopf steit

Kriiseszenario: Angscht, dass ihm dr Himmu ufe Chopf gheit

Majestix, Majestix, Majestix, Majestix, Majestix, Majestix

Angscht, dass ihm dr Himmu ufe Chopf gheit

Wiisse Ferrari, Houptsach e Schimmu, wo im Schopf steit

Verse

Mir leischte meischtens Widerstang im Geischt, wo ufe Fride plangt

Mir hei üs däm verschribe lang, si sit denn ou blibe dran

Doch leider heimer üs vo de Cäsars lo beiflusse

Si chöi jetz driipfusche, wägem Luxus, wo üs gliich gluschet

Und drum broui dr Trank, ha aues für Flow i mim Schrank

Miraculix - i hüete s Gheimnis, ha ke Vertroue i d Bank

I mischle e Teil Mischtuzweig und bliibe gwüss zfride, lang 

Wär das wott cho störe, dä erfahrt e gwüsse Widerstang

Mir chilles jo gärn und si gsöuigi Cheibe, wöu mir üs aus eigeti Höude vereine

Du gsehsch, es verstöut sech jo keine

und wöu mers scho wüsse, was söue mer meine? 

I bruuche ke wiisse Ferrari, i bruuche nur Beats und zwar paari

Ufm Reason do fahri, sit dere Zyt mit Atari

Hook

Är wird no gärn uf Häng dür irgend sone Mob treit

Het nume Angscht, dass ihm dr Himmu ufe Chopf gheit

Wiisse Ferrari - Houptsach e Schimmu, wo im Schopf steit

Kriiseszenario: Angscht, dass ihm dr Himmu ufe Chopf gheit

Majestix, Majestix, Majestix, Majestix, Majestix, Majestix

Angscht, dass ihm dr Himmu ufe Chopf gheit

Wiisse Ferrari, Houptsach e Schimmu, wo im Schopf steit

Beat: Doc Breasy

P. Nero sini Lyrics: i ha scho bi Rambo & Django erwähnt, was chasch mache

Hook

... Mir zelebriere s Läbe

... lueg, do isch niemer drnäbe

... Mir zelebriere s Läbe

... Ey, dir chrieget vergäbe

. Gschider zelebrieret der s Läbe

... lueg, do isch niemer drnäbe 

... Mir zelebriere s Läbe

 es zieht üs i Gägend, womer Liebi erläbe

Verse Brain

. Wemer zämechöme brönnt es Füür

Choche druf, gönne Züüg

. Zum zelebriere könni Lüüt

. Was gits de Schöners? Nüüt! 

Für niemer ganz e frömde Typ

Meh so dr bekömmlech Typ

Wo mit Lieblingsmönsche flüügt

Überau, könne nüüt

. Bis i e Kater ha... nächär am Tag danach 

So win igs erwartet ha, zwiit wärs scho bim Gartehaag

... Mir fiire, dass mer chuum hei schlächti Charte gha

Und Gueti ufem Stapu gha, im Bluet ha wine Dracula

Mir bruuches, mir schruubes, mir suuges wie a Buuse

Es spruudlet us Bruuse, chauti Duschi für die Looser

Mir move mou ufe, am vibe, am groove

wie high umecruise, du ridisch mit Boomers

Hook

... Mir zelebriere s Läbe

... lueg, do isch niemer drnäbe

... Mir zelebriere s Läbe

... Ey, dir chrieget vergäbe

. Gschider zelebrieret der s Läbe

... lueg, do isch niemer drnäbe 

... Mir zelebriere s Läbe

 es zieht üs i Gägend, womer Liebi erläbe

Bridge

... Und mir stosse uf das Glück a

... Eis vo de ganz groosse Stück z ha

... Mir zelebriere s Läbe

... lueg, do isch niemer drnäbe

... Mir zelebriere s Läbe

... Ey, dir chrieget vergäbe

. Gschider zelebrieret der s Läbe

... lueg, do isch niemer drnäbe 

... Mir zelebriere s Läbe

 es zieht üs i Gägend, womer Liebi erläbe