Beat: Doc Breasy (= Brain MC, wenni Beats mache)

Das isch dr erscht Song, woni mit Autotune spile:)

Het richtig Luune gmacht!

Songidee isch ca. us 2003 - wie ou dr erscht Verse. Dr Beat und zwöit Verse si de 17 Johr spöter cho, Ändi 2020. Dä neuer Verse hani no gfunge, dr Räscht nüm.

Verse 2:

Rede vo Sinn i däm Wahn
Erhebe mi Stimm ohni Scham
Bewege die Heble und Regler bis jedi und jede vo de hingerschte ahnt
Bi nid z hindere dra, es stimmt, was dr Maa,
bringt ufe Plan, s isch dringend und klar,
We mer nid handle und üs verwandle,
verschlimmerets d' Laag
Böuig produziere, Produkt erföue niemer
Göh so schnäu kaputt und si böudet zum Bediene
Houptsach Produzänte si im Stöue am Verdiene
Am Profit orientiere, freie Wöue chame schmiere
es isch so komplex, schlussändlech nur chrank
Vergiftet per Gsetz verwände dä Junk
Gäud über Aues verschwändet und blank
Wie Religion vo: bländet vor Bank
si wiise üs i d Schranke, schiebe Kriise wäg Finanze
Mir sine ghörig hörig, tüene fliissig nochetanze
Schaffe, schaffe, Hüüsli boue, Stüüre zahle, Lüüge gloube
Jo nid hingerfrooge, wie die auermeischte Lüüt vertroue
Eis loh mer i däm Wahnsinn dür nüüt lo versoue
nachem Hamschterrad gohni mir es Tüütli go roue

Beat: Doc Breasy

sry, couldn find the lyrics... evtl. fingi se no imne Akteköfferli us Zyte, woni no analog textet ha. Schad eigentlech - chönnts wider mou mit Stift und Papiir probiere...

Beat: Doc Breasy

Error_11_: Lyrics not found

Pssst... i ha no e RMX vo däm ufne aute Free Quenzy Beat. Free Quenzy? Dä fingsch easy, wenn chly Internet chasch. Är isch e junge, hochtalentierte Producer vo Bärn und het sich inzwüsche uf Memphis/Phonk Beat spezialisiert. But I tell u... us sine Aafäng hani no paar Brättli umeligge... uff!

Beat: Doc Breasy

Hook

Zfrideheit...

Könne niemer wore widersteit

Zfrideheit... 

Wöu's um das, woni gibe geit

Zfrideheit... 

Bruucht ke Verschwigeheit           wöu

Zfrideheit... 

Passiert weme Fride teilt

Verse

Mi Family isch Therapie dassi z fride bi... Ke Gruppe, womer Bire figgt

Vilich nochli Weed, wo verribe wird

Z lang hani gwartet, dass sechs wider git

As obi Trigger bi, isch nume Hate cho, drum get i rid of it

I ma nüm für schlächti Vibes Zyt verschwände, zieh verbii am Siitefänschter

loh Zile gränne, uf so Beats, wo bange

Es isch dr Niid vo Männer, wo fruschtriert liide, nämlech

Es wird ne gliich nid länge, ou wenn si Schiissi spränge

Zfrideheit ischs höchschte Guet, geits Frou und Töchter guet, de färbt das ab uf mi und git mer auergröschte Muet

S Härz wo sech öffne tuet, gwährt mer de öfter Rueh 

Föue mit Liebi die schmärzende Löcher zue

Hook

Zfrideheit...

Könne niemer wore widersteit

Zfrideheit... 

Wöu's um das, woni gibe geit

Zfrideheit... 

Bruucht ke Verschwigeheit           wöu

Zfrideheit... 

Passiert weme Fride teilt

Verse

mini Jungs nimi sowieso SO huere nööch a Bruscht

Löht dä Fruscht, i hebe üsi Fahne immer hööch i d Luft

Widerstöht dr Sucht, nach irgendwelchem blöde Stuss und göht im Fluss

Und löset Buff nidnur im gröschte Suff, bös und druff

... Zieh füre allei do, 

. und gibene Bscheid jo

... Z düre zum heigo,

.. wider dr Brain wo

Loht lo gspüre, was geit do

.. dribble dür d Bei jo, wider am freistoh, 

eis - nou... Wider es geils Goal

Mir chame nid a Chare fahre, darfi öich mou grad ermahne

I chane Armada und e Karawane anefahre

dürne klare, rare Whisky a dr Aarebar am starre

... Mir bruuche üs wie Handys ihri Ladekable 

Bridge

Bisch nid zfride, gisch mer Haaaaate

Nei, das isch nid Zfrideheeeeeit 

Bisch nid zfride gisch mer Hate

Nei, das isch nid Zfrideheit

Mir wei doch nume eis

ungerschiedlich si und frei

Hook

Zfrideheit...

Könne niemer wore widersteit

Zfrideheit... 

Wöu's um das, woni gibe geit

Zfrideheit... 

Bruucht ke Verschwigeheit           wöu

Zfrideheit... 

Passiert weme Fride teilt

Beat: Doc Breasy

Intro

es wär doch so schön

aber nei...

Bridge

Mir chönntes e so schön ha

Aber nei

Es cha nume ufegoh wenns zwüschedüre abegeit

Verse

... mir sitze inmitten vom Paradies 

... Drip isch am Drippe wiene Stalaktit

... si am Glänze wie Glitzer vor Galaxie

... doch si chrank wiene Sickness: Maladie

... Hei dr Grössewahn, obwou mer so chly si

Aber schreie so luut und wäre gschider

 mou liislig

Hocke mitzdrin und tüe as öb mir nur derbi si

Spitze vor Evolution, bringet mou Peace dri

Mir kaputtne, zerstöre und ersticke im Keim

Drbi söttme beflügle, dasses nid so vergheit

Aber blind vor Gier und umefigge für Fame

Bitter verseit wär dä schlächt Witz nid versteit

Hook

es macht mi truurig, macht mi müed

wie mer aues kapputne, wo mer hei

(kapputne, wo mer hei)

und i bi luunisch, ha mi Müeh

so wie me dr Zucker het verteilt

(wie me dr Zucker het verteilt)

es macht mi truurig, macht mi müed

wie mer aues kapputne, wo mer hei

(kapputne, wo mer hei)

Drum machi Musig scho sit früeh

so lohn i dä Druck ab i mim Brain

(au dä Druck ab i mim Brain)

Bridge

Mir chönntes e so schön ha

Aber nei

Es cha nume ufegoh wenns zwüschedüre abegeit

Verse

So vöu Ching vor Mueter Ärde göh verlore, si am Stärbe

Plastigmeer, Gift im Bode und ke Gletscher i de Bärge

Dünger fliesst i d'Bäch, wo immer schlächter wärde

Wäuder abfackle, am Profit Rächnig träge

Jep, mir kaputtne... aus wie die Verruckte

Für das Gäud spucke mir üs i d Suppe

Am Verdräcke und Beschmutze, das git no sovöu z putze

Trotzem Nutze, dr Drang nach Stutz sött me stutze

Es macht mi truurig, macht mi müed, usser d'Musig spöut

De merki: Muse höuft uf aune Stufe vöu

Bisch ou Du im Böud? Mir wärde am gliiche Buuse gstöut

Brüscht vo Mama Ärde si mit Liebi obeuse gföut

Hook

es macht mi truurig, macht mi müed

wie mer aues kapputne, wo mer hei

(kapputne, wo mer hei)

und i bi luunisch, ha mi Müeh

so wie me dr Zucker het verteilt

(wie me dr Zucker het verteilt)

es macht mi truurig, macht mi müed

wie mer aues kapputne, wo mer hei

(kapputne, wo mer hei)

Drum machi Musig scho sit früeh

so lohn i dä Druck ab i mim Brain

(au dä Druck ab i mim Brain)

Bridge

Mir chönntes e so schön ha

Aber nei

Es cha nume ufegoh wenns zwüschedüre abegeit

Beat: Doc Breasy

d' Frouestimm ghört mire Liebschte - übrigens, suech mou dr Song MIII SCHAAATZ, das isch mis Ehegelübte vo üsere Hochzyt (isch ou überau digitau ufem Best-of namens: 22 vo 20 bis 23)

Intro

Au zuvöu cha mi jo ou nüm überrasche

aber we mi no öppis cha überrasche, de isches das:

Verse

... Überraschet mi mit Fride für aui

Ke Sauz me i d Wunde, nei, gibene Saubi

... Überraschet mi, i cha nid überau si

Mir wei frei, wie Flider im Fau si

.Überraschet mi mit Bescheideheit

Mit jedem sire Eigeheit und ke Einheitsbrei

... Überraschet mi wemer aui zäme teile wei

und aui Chleider hei, z Ässe und es Eigeheim

... Überraschet mi mit uf Seich verzichte

Lieber einisch richte, statt meischtens misse

... Überraschet mi we dr teilet Gschichte

Und löht dr Hate verpisse, we dr weit entgifte

... Überraschet mi, wenns nüm um Zaschter geit

Nüm um Hass, nüm um Klass, nüm um Rasse geit

... Überraschet mi, we niemer me e Maske treit

Und i auer Glasseheit aui Sache teilt

Hook

Über-raschet mi

Indäm der lieb sit

Über-raschet mi...

Tüet nid eso gnietig

Über-raschet mi

mit grächt si 

Über-raschet mi

mit ächt si

Verse

Überraschet mi und bringet sLache mit, machet mit

Kurve flachet nid mit Maskepflicht, krasse shit

Überraschet mi, indäm der wider e chli glasse sit

und raschtet nid, uus, wenns am abeprasse isch

Überraschet mi, mit Positivität

loset chli ufs Härz, das het scho no so si Wärt

Überraschet mi und froget nid wohär

Süsch hei mer nämlech gli... scho wider so es Kähr

Überraschet mi, nämet mou dä Stock usem Arsch

stoppet s Gmotz, 's isch e Farce, wöu i ke Chopf ha für das

Schiesset keni Steine we dr hocket imne Glas

statt immer böckele, nähmets gschider locker und mit Spass

Überraschet mi, mit Offeheit

Vo Scheuklappe wie bi Ross befreit

Wichtig isch, dass me's offe seit

Solang s Ise heiss isch und nid mit Roscht beleit!

Hook

Über-raschet mi

Indäm der lieb sit

Über-raschet mi...

Tüet nid eso gnietig

Über-raschet mi

mit grächt si 

Über-raschet mi

mit ächt si

Beat: Doc Breasy (i erwähnes widermou... that's me, jup)

Verse

Hüt gits nüt, wo nid ou gäbig morn geit 

Luege Cobra 11 bimne Schäli Corn Flakes

Nütze Smoking Gold Papes uf dr Roue wägem Vorteil

So boui nume einisch und bi nächär soo breit, hähä-so geil

Was ig no hätt söue, isch grad äbe über Bord gheit

Wenni überlege mues i säge: i ha vorgleit

Vilich müesse döu entgägne, dass e Groossteil

Kes easy Läbe het wie mers do hei. Jo, weisch:

Bi e megafuule Sack, wo nur zum Plegere chasch bruuche

Checke Kebab-Bude ab, z vöu bewege tuet mi schluuche

Zwüschedüre gönni mir, es mues jo jede chli verschnuufe

Mini Couch isch mi am hebe bis i pfuuse

Gsehsch mi imne Chevi überheblech umecruise

Goudspeiche luege us de Räder e chli use

D Wixwärbig het mi gweckt, wie si errege mit de Buuse

Auso trägi mi is Bett, im Schloof pflegi mini Muse

Hook

Es längt mitem Muss, keni Zwäng und ke Fruscht

E chli seichti Ungerhautig ufme Sänder mit Stuss

Dr Duft vo däm Spliff do schwängeret d'Luft

I wott eifach nume änge i de Fäng vo mim Gusch

Verse

I wott gar nüüt mache und das zimlech intensiv

Wöu das schaffe, schaffe, Hüüsli boue verschlinget so vöu Zyt

Wiso ou immer das so sig, und mers wichtig finge i dr Schwiiz

Isch mir jetz grad scheissegau, i empfinges nid so gliich

Und wöui King bi i mim Riich chani bestimme, was mer liit

Und am Beschte liggts mer ufem Gusch, drum schwingi mi grad dri

Dr Stress verschwindet jo scho gli, es mingeret scho chli

Ke einzigi Verpflichtig hüt, wöu d Ching si nid derbii

Sie si beschtens versorgt, früschi Windle si derbi

Sowie stimmigi Schwingige wo si bringe wie dä Beat

... drum chilli ne und wott jetz dringend e chli Peace

Und wöune finge lohni d Suechi nachem Sinn mou chli lo si

S isch doch gstört, weisch, dass me... red vo Work-life-balance

Wöu me ghört keis Aber, doch dr nöchscht gheit abe

Und macht es Burnout... Drum handli präventiv

Ou wenns e Schande isch ir Schwiiz, i entspanne mi mit Weed

Hook

Es längt mitem Muss, keni Zwäng und ke Fruscht

E chli seichti Ungerhautig ufme Sänder mit Stuss

Dr Duft vo däm Spliff do schwängeret d'Luft

I wott eifach nume änge i de Fäng vo mim Gusch

Beat: Doc Breasy

Interlude

Los, es knischteret wie Chlättverschluss

Und i gspüre wider wiene Rap-Erguss

Us mer usechunnt, isch ungerwägs nach duss

Nume nid bewege: Häxeschuss

Verse

Lockt mi Phantasie, frei wie duss ir Pampa si

Isch mer heilig plus entchrampfets mi

Blüeteteili dampfe gli

Wo vo schööne feine Pflanze si löh mi weich und samtig si 

Zum gröschte Teil chönnt Samschti si

Göh mer steil si Blunts derbi

Pre-Hook

Häbe üs am Fuchur so schwäbe mer weich

Si gäge Stuss stur erträge dä Seich

Fokus uf d Liebi vernäble dr Hate

Beläbe dr Geischt

Hook

I vergisse Zyt i vergisse d Uhr

Flauschig am Flüüge wie dr Fuchur

Drifte dür die Beats Spliffs nume pur

Unändlechi Gschicht e Luune vor Natuur

Bridge

Los es knischteret wie Chlättverschluss

Jep das isch Deluxe sägem äxtra Gnuss 

När si us dr Weschte aui Fläcke duss

Nume nüm bewege Häxeschuss

Verse

Es isch die Medizin mit dere pflegi mi 

Ohni die regi mi uf dass mir no zweni si

Ir Gruppe fürne Therapie dr Druck cha aube heavy si

Jage do die Mios was für die wos hei Pennys si

Pre-Hook

Häbe üs am Fuchur so schwäbe mer weich

Und si gäge Stuss stur erträge dä Seich

Fokus uf d Liebi vernäble dr Hate

Beläbe dr Geischt

Hook

I vergisse Zyt i vergisse d Uhr

Flauschig am Flüüge wie dr Fuchur

Drifte dür die Beats Spliffs nume pur

Unändlechi Gschicht e Luune vor Natuur

Bridge 2x

Los es knischteret wie Chlättverschluss

Und i gspüre wider wiene Rap-Erguss

Us mer usechunnt isch ungerwägs nach duss

Nume nid bewege: Häxeschuss

Los es knischteret wie Chlättverschluss

Jep, das isch Deluxe sägem äxtra Gnuss

När si us dr Weschte aui Fläcke duss

Nume nüm bewege wiene Häxeschuss

Hook

I vergisse Zyt i vergisse d Uhr

Flauschig am Flüüge wie dr Fuchur

Drifte dür die Beats Spliffs nume pur

Unändlechi Gschicht e Luune vor Natuur

Beat: Doc Breasy

Error_11_Lyrics not found

...aber si mer ehrlech: Wär lost, versteit!

Beat: Doc Breasy

und scho wider: 

Error_11_Lyrics not found

...aber si mer ehrlech: Wär lost, versteit!