VÖ: Dezämber 2020

Beat und Mix vom Doc Breasy (jup, das isch dr Brain MC, wenn er produziert. Werum ou immer🤷🏻‍♂️)

Master vom Dan Suter

... denn isch angersch gsi - wäg Pandemie

Lyrics:

Part 1

Was si de das für gspunnigi Zyte, aui si vo Mänti bis Sunnti am stritte

Was für Massnahm dr Bund mues ergriiffe - I sattle e Beat, goh e Rundi go ritte

Mi wunderets drum wieme drunger cha liide

Vernunft seit, chumm hei, gsung chame bliibe

Chummer vermiide, chumm das isch gschider

Verschriibet mou aune es Pfung zum verweede

... Während sore Pandemie, wird s Zämeläbe angersch si

D'Laag isch ärnscht und landeswiit

... wärde mer äbe zum Zwang iigwiist

... ir Quarantäne gfange si

Oder isoliert und d Spannig stiigt

Nei, do isch ke Fun derbii, dä isch doch scho lang verbii

... Mösche si am Stärbe drab, und die Wirtschaft, die geit grad dr Bärg dürab

... Mir luege se aus gfährdet a, aber bitteschön, liebi Lüüt, wär hets gmacht? 

... mir si Opfer und Täterschaft

D'Märkt si flach, rätsuhaft, gä ke Chraft, wärde schwach, löht jetz mou das Härz a d Macht

Röfrä

Das isch mis wohre Gsicht, i ha ke Maske a

Usser wenns Corona isch, trotzdäm bini Spass am ha

Anstatt luut ufrege, lieber innig liebe

I bi dr Superspreader und tue di infiziere

Mit de guete Vibes, jo, ha nume gueti Vibes,

S louft wie Schue vo Nike, huere gueti Vibes 

I bi dr Superspreader und tue di infiziere

Wott die Luune hebe drum singi Lieder

Part 2

Locke üs down, stoppe die Zau

Vo schwäre Verlöif, si verstopfe s Spitau

Pfleg wott es Ghaut, ke Bock uf Applaus

D Stimmig isch greizt, drum droppi mi Sound

Dä lüftet dr Chopf wie bim Jogge im Waud

Ob der das gfaut isch egau, i wott nur, dass schnausch

Trotz Opfer und Gwaut... isch noni aues verloore wie Hopfe und Mauz

... Es isch nid mis Bier... Nei

Aber üsi Brouerei wo schief... steit

Erfröit sich nid grosser Beliebt... heit

si aui betroffe, dasch nie... geil

Ströie die Vibes gäge sGniet... breit

I ha nume gäge dä Chrieg... Hate 

Chnuschperig bliibe wie Bier... teig

Wichtig isch, dass mirs probiert hei

2x Brüggli

Fride-finge und gsung si, Hass nider-ringe, nid dumm si, chaschs

nid erfinge, so Glungni, dass 

Wider-linge grad um si

veröffentlecht im Ouguscht 2021, gschribe im Herbscht 2019

Beat und Mix vo mir, aka Doc Breasy, Master vom Dan Suter

isch nid ganz komplett, aber die Lyrics hani no gfunge:

Part eis

... Ändlech wider zum go bade a Strand

Zwüsche de Zeche risled kalabrische Sand

Gin Tonic zum Znüni gäge z klare Verstand

Jo, i ha Toleranz, wöu d Laag isch entspannt

Nume jo ke Nochrichte, ke Date-Empfang

Weder Mord- no Todgschichte, jede Tag nume Fun

Uf de Wäue tanze Sunnestrahle entlang

Und glitzere, wecke für Tate dr Drang

Mir näme d Charte zur Hang, für ne Fahrt dür das Land

Nöis go entdecke, ufs Unerwartete gspannt

Nüt cha mi hetze, do wartisch no lang

Steisch schreg ume wiene Garte am Hang

Ständig parat füre Klang, vo Fleisch ufem Grill 

Zart wienes Lamm - me weiss, wie mes chillt

Chasch roote: Weli Piatti isch Primo?

Aglio, Olio und Peperoncino😎🌶️

Und mir göh mediterran

Weder Bewegig no Plan

Chli Verpflegig am Strand

Das Gfüeu nimi hei und hebe mi dran

Part zwöi

... und wenn das ou liebsch, jo de si mer zwöi

Schmöcksch die Pinie-, Olive- und Fiigeböim

Mmmhhh... Und das Ässe, jo däm bliibi tröi

Klar fiir i mit guetem Wyy die Fröid

... die Fröid am Läbe, i gloube, mir wüsste wie

Savoir vivre... Isch we mes gnüsslech liebt

Vor luuter schaffe verlüürsch dr Blick uf Wäsentlechs

Drum göh mer gärn i Süüde, die Mönsche dört, die gäbe ders

VÖ: August 2021

Beat vom Sandro Purplegreen, Mix und Master vom Dan Suter.

Lyrics:

Hook

Machmou 

haublang!... Du bisch weder hot no cold, du bisch nume 

lauwarm, chuum chumi ufe Bitz, hei aui Rapper

Staudrang... Boomtrap isch mi shit, jep, du bisch 

baud drann, machmou haublang

I weiss ni, was si mer wei säge

Nei... Si riisse e Dicke vowäge, Wiisses verticke für Fäde

Ey... Und weni de Schiisser begägne, de gsehni se schwiige verläge

Keis Bitzli begriife vom Läbe, shit übertriibe vergäbe, piinlech drnäbe, wie Liim blibe chläbe, ergriiffi Gläge-

Heeit... 

... Machmou haublang, schieb nid sone Föum

Bhouptisch überau: man, niemer treit so vöu...     

Du heigsch ou auerhang Guns, gschmieret wie mit Öu

Chöi dür jedi Stauwang schiesse - sone Löu

... Drum sägi, machmou haublang und spiegle dir dis Böud

... Stiige i mi Blaumann, demontiere s Spöu

... Vermiisnes wie dr Waufang, bechriege se wie wöud

... Schriibi Lieder isches Bausam und die Sieche bliibe 

stöu... 

Hochmuet chunnt vorem

Fau... 

Doof luegsch drum bim Ufprau

. Si sige am ticke die Bags, us ihrne Handtäschli

. Si bige no dicker die Stacks und si verdammt mächtig

. Bliibet doch bitte bi Facts: dir sit wie s Samtäffli

Und ke Tiger im Pack, uf mire Gsamträchnig

Zu ihrem Stock im Block, ganz tröji Maddafaccas

I gseh nur Hotzenplotz und Röiber Knatterratter

E Verwiis vom Lockechopf, uf öiche Platz im Schatte

. Si snitche bi Cops sofort, wenn Pigs göh go Ratte packe

VÖ: August 2021

Beat: Urs Tanner, Mix und Master vom Dan Suter

Lyrics hani leider nüm gfunge

VÖ: Septämber 2022

Beat vom Jaken, Mix und Master bini nüm sicher

Lyrics:

lueg i bliibe Fan vo dr wäut

färn vo däm lärm vo dr wäut

doch, i bi scho gärn uf dr wäut

ou wenni erwähne, was fäut

De bliibi färn

Lueg i bliibe Fän vo dr Wäut 

Färn vo däm lärm vo dr wäut 

Doch i bi scho gärn uf dr wäut 

Und chume grad is Schwärme vor Wäut

üs wird schlächt, wöu mer zvöu vom Guete hei

und vergässe, dassmer ir Natuur d' Mueter hei

sie het gnue für aui, aber mir nid guet verteilt

und unger üs Fueterniid und Wuet uf eim

D Wäut ischso wunderschön, i cha nume liebe

Bi betrüebt, was mer mache druus und mache druus so Lieder

Mache nid, was nötig isch, hei Kassemache lieber

Wünsche üs Mönsche, s Erwache usem Fieber

... As wäre mer im Vouruusch

... Meine, dasses Gäud und Goud bruucht

... Wirble unnötig Stoub uuf

... Vilich wärfe mer mou no es Oug druuf

lueg i bliibe färn vo dr wäut

färn vo däm lärm vo dr wäut

doch, i bi scho gärn uf dr wäut

ou wenni erwähne, was fäut

. I weiss, mir möchte schwäbe, dört göh mer nöchschtens häre

Das isch eifach gseit, aber die gröschti Challenge

... Mit schwäbe meini eis si im Fluss

Ufem Gedankestriich im geischtige Puff

. Womer aui nume mache, was üs guet tuet

. Womer üs chöi si, egau wär zueluegt

Und wo nid immer aues mues übertribe si

Wos gliich isch wie gliich und ou huere guet verschide ds si

Dribble di... Negativität uus und punkte

... Bewahre wohri Wärt vom Versumpfe

Wöui so Fan bi, wotti mängisch färn si

Und jo, i machmer Sorge wäg Erwärmig

Jup, the heat is on und drum schriibi Songs

High uf Natuur ihrem vibe - cheech and chong

Jup, the heat is on und drum schriibi Songs

High uf Natuur ihrem vibe - cheech and chong

VÖ: Novämber 2022

Beat, Mix & Master: Free Quenzy

Lyrics:

Yeah

Freequenzy ufem beat

Man dasch mozart vor hütige zyt

Dä bursch isch füfzähni

I bi dr brain man 

Hey

Si verzöue s blaue vom himmu

Ou wenn si vierzgi si

Äh hä

Und mir wüsse, es isch trüeb

Aut und grau und mit schimmu

So wien ig

Wie si sech brüschte und tüe

Räpper wei am schiin a dasses glänzt

Bling bling

Rede vöu mache nüüt vergliiche ihri schwänz

Es lost sech aues gliich a und es längt

Me chönnt meine si hei klimakonferänz

Räpper wei am schiin a dasses glänzt

Bling bling

Rede vöu mache nüt vergliiche ihri schwänz

Es lost sich aues gliich a und es längt

Me chönnt meine si hei klimakonferänz

Es si näb de schwäre verbräche die

Lääre verspräche dä fähler im lächle

Scho fasch gfährlech berächnend louft dr 

Zähler verächtend

Und schmäleret s ächte

Ständig bedacht druuf ou während em ässe

Wie wär me wott si zum die wähler go snatche

Oder fans go verhätschle mit ähnlechem matche

Damn dä isch rapper! 

Si verzöue s blaue vom himmu

Blablabla

Und mir wüsse es isch trüeb

Aut und grau und mit schimmu

Ühühühü

Wie si sech brüschte und tüe

Räpper wei am schiin a dasses glänzt

Rede vöu mache nüüt vergliiche ihri schwänz

Es lost sech aues gliich a und es läängt

Me chönnt meine si hei klimakonferänz

Wie si sech brüschte und tüe

Räpper wei am schiin a dasses glänzt

Rede vöu mache nüüt vergliiche ihri schwänz

Es lost sech aues gliich a und es läängt

Me chönnt meine si hei klimakonferänz

Sie si nid ufem beat mitm text

Wasi ghöre isch gliich nidso fett

Si verzöue wievöu Heat ases het

Es längt nimou vilech füre triibhuuseffekt

Hip-Hop cops si scho entsetzt

Si setze gränze und schriibe es gsetz

Wo ig druuf schiisse mit flex

Bars hei dä drip und verrisse wenn tscheggsch

Wie i jedem biz und de mäucht me die chue

Geisch goud bisch goat mini wäut isch mer gnue

Das tönt vilich ego wenn säute mou luegsch

Du muesch lose gib ändlech mou rueh 

Räpper wei am schiin a dasses glänzt

Rede vöu mache nüüt vergliiche ihri schwänz

Es lost sech aues gliich a und es läängt

Me chönnt meine si hei klimakonferänz

Räpper wei am schiin a dasses glänzt

Rede vöu mache nüüt vergliiche ihri schwänz

Es lost sech aues gliich a und es läängt

Me chönnt meine si hei klimakonferänz

Si verzöue s blaue vom himmu

Blablabla

Und mir wüsse, es isch trüeb

Aut und grau und mit schimmu

Ühühühü

Wie si sech brüschte und tüe

Si verzöue s blaue vom himmu

Blablabla

Und mir wüsse, es isch trüeb

Aut und grau und mit schimmu

Aaha

Wie si sech brüschte und tüe

VÖ: Januar 2023

Beat säubergmacht vom Doc Breasy, Mastering: irgend sone Dude usem Netz

Lyrics:

Mir chönnte, würde, sötte Viles

und nid irgendöppis spile

Erkenne plötzlech wider 

Hei für fauschi Götter gschwige

Hei schwäri Bröcke bige

Die höchschte Stöck erstige

Wiege üs i Sicherheit und schmöcke Flider

Fiin, zart, lieblech süess, chönnts si, wenn niemer müesst

. Bruuche mer würkli aui 4 aus Füess? 

Wöu so füeut sechs a, wie Fieber, wüescht, für d Gier verbüesst

Gsänkti Blicke, ke Siech, wo grüesst

Chönnts dranne ligge, das mer si hangebliibbe? 

. Mir si vonangertribe, si gar nid eso ganz verschide 

Mir chönnte öppis angers us de Panzer schmide

Und grächter verteile, dürs Grosse Ganze dribble

Hook

... mir rede vöu, aber ändere nix

... Und wüsse gnau, i wele Häng ases liggt

... Si mit üs säuber schlussändlech verstrickt

... Mit de Zwäng und de Ängscht, wos de git

... mir rede vöu, aber ändere nix

... Und wüsse gnau, i wele Häng ases liggt

... Hei üs säuber verbländet dermit 

... Mir si glähmt, bliibe hänge im Bitz

Verwandlig goht, nur wemer chöi i d Handlig cho

Zersch vo däm Höheflug i d Landig cho

Gwohnheite usem Föus vo dr Brandig schlo

Chöi im Hamschterrad chuum zur Enspannig cho

Schreie nach Change, heine säuber ir Hang

wäuz nid entspannt, as wär d Wäut scho in Brand

Das ischsi, wenn die 99 Prozänt de im Stang

Si und die Masse Vergäutig verlangt

Und wemer üs nid säuber heile, beändets üsi Mama

Ewig luegt si nüm zue und grännet abem Drama

Wo mir verunstaute, offebar ohni Iisicht

Mir merke, was sich offebart ohni Isschicht

... mir rede vöu, aber ändere nix

... Und wüsse gnau, i wele Häng ases liggt

... Si mit üs säuber schlussändlech verstrickt

... Mit de Zwäng und de Ängscht, wos de git

... mir rede vöu, aber ändere nix

... Und wüsse gnau, i wele Häng ases liggt

... Hei üs säuber verbländet dermit 

... Mir si glähmt, bliibe hänge im Bitz

Zyt vom Warte isch verbii, würket aui mit

Simer gstartet mitm Team, stürzet aute shit

. Mache nid aues nöi und si üs angersch tröi

Mama Ärde, eis Land für Tröim

VÖ: Februar 2023

Beat isch vo mir, Mix & Mastering: Free Quenzy

Lyrics:

I lise mängisch a de spuure imne gsicht

Do ligt schmärz und es truure i dr gschicht

Wenn s gfüeu hesch was fürne loser as de bisch

Fohsches afo gloube und das suuget bis di bricht

Bis nachem schaffe diräkt wider heigeisch

Bis mönsche miidisch und niemeh e teil teilsch

Das leid treisch und zu auem nei seisch 

Spräng dr di rahme wiene freigeischt

Läb widermou säg wider mou

Es mou für di und gäge dis low

Säg mou zu dir undem schwäbe im flow

Und nid dass am ma mit dr sägesse fougsch

I weiss de meischte do fäut s härz

Si uf sich fokussiert und hingerem gäud här

Angscht vorem schitere macht aues wäuz schwär

Wie sech überwinde ohni Säubschtwärt

I mache dis nei zumne mou

Und wenns noni geit machis nomou

I mache dis nei zumne mou

Und wenns noni geit machis nomou

Lueg es gheit e lascht ab

Gloub dra i weiss du schaffsch das

I mache dis nei zumne mou

Und wenns noni geit machis nomou

Dr wäut färn, chasch nid usbräche

Aber mou ufe wäg mache ufbräche

S mindset hightec usgwächslet

Es git öppis mit 11 i has usgrächnet

🎶. Du bisch di wäg zum glück

🎶. Scho au die tääg bis hüt

🎶. Si vom Härz es Stück

Hole Wärt us de Schmärze zrügg

. Wenn di entscheidisch für di

Passiere plötzlech Ereignis für di

Wo zeige, sisch weissgott kes Gheimnis für di

Si Körper und Geischt eis, meischterisch di

Es isch klar, jo, das bruucht muet

Aber ou bereitschaft und dass me uftuet

Und mou, statt immer grad nei seit

Gib und nimm dr die Freiheit

I mache dis nei zumne mou

Und wenns noni geit machis nomou

I mache dis nei zumne mou

Und wenns noni geit machis nomou

Lueg es gheit e lascht ab

Gloub dra i weiss du schaffsch das

I mache dis nei zumne mou

Und wenns noni geit machis nomou

... Und wenn wider vorem Bärg steisch

... zwüschem Chopf undem Härz steisch

...Egau wies zwägleisch

Es louft ersch, wenn ufe Wäg geisch

VÖ: März 2023

Beat isch vo mir, Mix & Mastering: Free Quenzy

Lyrics:

.jo, i mache rächt lang scho Sprächgsang... weisch

.und bi nid schlächt dran, ha ächt Fun... geil

.move füre und grad i... Kreis

. chuum Bühneerfahrig... Seeeich

. mit Entschlosseheit, grösser aus im Bundeshuus *bossy

. träägi ganz dick mini Schlunze uuf *saucey

. ufe Beat, bsungers smooth, rundis uuf

uf die nöchschte Öuf und triibe Chummer uus, chunnschno druus?

. no lang nid am Limit *oh no . so angersch no innit *im Flow

du hesch mers nid gä, a minute ago, ... jetz bini im Spirit, ir Soul

. maches immer wider emou, und bliibe nid ligge im Bou

. lueg, i begibmi i d Zone & drücke dr Trigger nomou

BOOM! stöuet d Ohre, machet Ouge gross wie Mangas

mini Ächte zöui do a eire Hang ab, am Räschte hacki d

Hang ab, rütschet mer dr Rügge wiene Hang ab

Bi für mini Fam es Pendant wie WWF für Pandas

 jo, i mache rächt lang scho Sprächgsang... weisch

.und bi nid schlächt dran, ha ächt Fun... geil

.move füre und graad i... Kreis

.chuum Bühneerfahrig... Seeeich

I luege ume, s isch super, ds gseh

Wies worde isch, absolut oke

Schguet i chume, mach luter meh

Mis wohre Gsicht: i bi Routinier

Wenns um Rap geit, bini fläckfrei, klar weissi ou, wies mit Dräck geit

... und mis mac drive spicheret Hitz wiene Späckstei

und i grille die Pisser, wo meine, si chöi

A mis Bei cho schiffe, verreiset is Höi

Los wieni triffe, i preiche ou öich

Jetz heiters begriffe, sit weich i de Chnöi

. Gschider entscheidisch no nöi

. De chöi mer teile die Fröid

. Mi het ke einzigi gröit

Vo de Perle woni schmeisse vor Söi...

2x

 jo, i mache rächt lang scho Sprächgsang... weisch

.und bi nid schlächt dran, ha ächt Fun... geil

.move füre und graad i... Kreis

.chuum Bühneerfahrig... Seeeich

VÖ: April 2023

Beat vom Jayken, Mix und Master bini nüm sicher... Free Quenzy?🤔

Lyrics:

...fingsch dr link - was, wo?

grad ir bio.. klick druf

macht di scharf, schschschsch!

sriracha mayo - who!

scho zum zwötie mou zwänzgi, papa gajo aute sack

macht di scharf: sriracha mayo schschsch

...fingsch dr link, grad ir bio

macht di scharf sriracha mayo

scho zum zwötie mou zwänzgi, papa gajo

macht di scharf: sriracha mayo

i gseh dr a, du weisch nid rächt, öb dr das do gfaue cha

i nime a, nid schlächt, süsch hättsch es scho abgschaute gha

schaad wär, wenns fad wär und ig's nid hät gsauze gha...

zum zwötie mou zwänzgi gsi, si rede scho vom aute Ma

I bi öiche Daddy, wo schnäu wäg isch, wo ready und back isch

Mit weni ungerwäx und so heavy uf de Tracks isch

schmeissese diräkt vor öichi Lätz, Kidz 

Rätschisch grad bi dr Mama, Dräcks snitch

Ey, es het ke Wärt, ds disse

I ha mis Schwärt gschliffe

Scharf isch die Prämisse

Dasi dr Närv triffe, 

Bino hin- und härgrisse

Und das erklärt sicher

No lang nid, wiso i dini Raps frisse

...fingsch dr link, grad ir bio

macht di scharf, sriracha mayo

scho zum zwötie mou zwänzgi, papa gajo

macht di scharf: sriracha mayo

...fingsch dr link, grad ir bio

macht di scharf sriracha mayo

scho zum zwötie mou zwänzgi, papa gajo

macht di scharf: sriracha mayo

Hin und här im Ziggzagg übere ganz Täuer, scharfi Sach

Do wird ke Larifari gmacht, preppe für die Partynacht

Lege e guete Bode, schmore Pflanze im Umamisaft

I ma mis Znacht, schöpfes, so hani  Chraft, Papi chas

... I bi scho lang derbi, 

... Und bi nidmou e Randnotiz

I infiziere Beats, wo mi berüehre: Pandemie

I wott a d Bounce Cypher, mache druus e angeri

E Spannendi. Liebi sändi uus und Liebi sammli i

....fingsch dr link, grad ir bio

macht di scharf, sriracha mayo

scho zum zwötie mou zwänzgi, papa gajo

macht di scharf: sriracha mayo

...fingsch dr link, grad ir bio

macht di scharf sriracha mayo

scho zum zwötie mou zwänzgi, papa gajo

macht di scharf: sriracha mayo

VÖ: Mai 2023

Beat hani säubergmacht, Mix und Master: Free Quenzy?

Lyrics:

#interlude

oke, shit cha depro mache, sovöu trouble ume

wott grächtigkeit ou wenni gar nid z schade chume

do isches easy, dassi aues woni mues ha bechume

machtlos hänge mir i üsne Bubbles nume

#verse

me mueses ds schetze wüsse, nid mit flex go brüschte

lieber mit text verblüffe, besser wie sex mit küsse

s Schlächte luuret im Hingerhaut so wie Heckeschütze

hüt isch e guete Tag, was ou dr Hingerschtletscht mues wüsse

drum isch klar, aues wunderbar, schläcke Wunde ab woni vom Chummer ha

legese frei im Sunnebad, rede befreit vom Hunger ha

Sandwich - es het Bread obe und ou ungedra 

Und ir Mitti sovöu Guets, dass mer aui gsunde dra

#hook

hüt isch e guete Taag, chumm, mir vergässe s Schlächte

löhs eifach fliesse, so wie Bäch und Gwässer

Lääre Fläsche lächlend und föue Äschebächer

Mir dänke nur as Guete und vergässe s Schlächte

#interlude

oke, shit cha depro mache, sovöu trouble ume

wott grächtigkeit ou wenni gar nid z schade chume

do isches easy, dassi aues woni mues ha bechume

machtlos hänge mir i üsne Bubbles nume

#verse

mir rette üs mit Guetem, so wie Schindlers List

ganz ohni Hingerlist, uplifting wiene Schindler Lift

und was dr Sinn betrifft si mir grad im Begriff

aues z verlüüre, was vorauem schlimm für d Chinder isch

drum schrei i ständig dri, es bruucht Veränderig

s Motto chönnt statt Verschwändig Verwändig si

so hängi dri, mit Kläng und Beats, ständig deep längi dri

verkupple dini Tüüfeli und Ängeli

#hook

hüt isch e guete Taag, chumm, mir vergässe s Schlächte

löhs eifach fliesse, so wie Bäch und Gwässer

Lääre Fläsche lächlend und föue Äschebächer

Mir dänke nur as Guete und vergässe s Schlächte

VÖ: Juni 2023

Beat, Mix und Master vom Free Quenzy

Lyrics:

nämer no eis?

Yeah, i ha no Durscht, schänk mer i

nämer no eis?

Klar, i ha no Luscht, hänket i

...mir näme no eis und göh bis ufs Ganze

zäme im Kreis

Yeah, bis mer uf de Tische tanze

I gloube nid, die Wäut isch scho verdammt

Hope am gseh, wis häu lodernd flammt

Hesch ou wi ig, äuä scho erkannt

Im Ougeblick het Gäud Oberhang

... und drum gönne mer üüs, näme no eis, Gläser i d Luft

eifach so ufs Läbe, ah, yeah, verbrönne Gräser mit Gnuss

Freigeischter löh dr Geischt frei, versteisch und de geisch steil

Red nid ume heiss Brei, het öpper Haze gseit? Jo, no eis geit

Mir heis teilt, im Kreis geits

Und ab uf d Reis geits

mitm Spacecake, womi heitreit

Hoffentlech landi nid ufem Steissbei

Bi aber verschoont, no hani Strom und chami uf Buddies verloh 

Ke Navigation, Gravitation, bliibe grad in Aktion

. Yeah, mir si soo luut, es chützelet ar Vorhut

Und jo, du...

Langsam chunnt scho wider d Froog uuf 

Nämer no eis?...

Momänt, wart schnäu... i mues hurti es Wasser ha...

Göh mer no öppis go ässe?... chli früschi  Luft wär no... mmmhhh... aber dr Beat... wart...

shit wie ischs am kicke i mim Gring inne vom Auk

Tipsy liggi bitzli i die Schwingige vom Sound

zwüsche HiHat, Snare und Kick inne, dört fingi no dr Haut

nei, Jungs, bitte nid no meh bringe, wo knaut! si froge

nämer no eis?

Yeah, i ha no Durscht, schänk mer i

nämer no eis?

Klar, i ha no Luscht, hänket i

...mir näme no eis und göh bis ufs Ganze

zäme im Kreis

Yeah, bis mer uf de Tische tanze

VÖ: Juli 2023

Beat, Mix und Master vom Free Quenzy

Dä hani sponti fürnes Startup gmacht. Si hei so Sache für Chrüterfründe verchouft. Mir ou, trotz em Song do. Tja, i bi äbe supportiv.

Lyrics:

... People, i mues öppis mitteile

-d' Froog isch nid öb, aber wenn: gits eine?

i bi rollig, dräie Jibbits mit Feinem

... jetz, Babe... gits eine

Wenn di würklech frogsch, was i dermit meine

I meine, es cha auerlei shit heile

.d' Froog isch nid öb, aber wenn: gits eine?

Jetz Babe, mitschreie, gits eine? 

.und i goh uufs Ganze, chönnt rund um d uhr tanze

...puur wi dr Hanf woni mitz ir Natuur dampfe

am Buur danke, beschti Qualität, das isch ke Suurampfer

korrigiere s Klischee vor Lieblingskulturpflanze

Niemer me gloubt a dä Seich, wo no kreist

i nime paar Züüg und keine entgleist

aber hey, är isch frei vo dr Leine, mi Geischt

Stoned, wöui loufe über Steine, wo leisch

... People, i mues öppis mitteile

-d' Froog isch nid öb, aber wenn: gits eine?

i bi rollig, dräie Jibbits mit Feinem

... jetz, Babe... gits eine

das Bouquet, das mundet so vou

ir Nase und Lunge e Troum

jo, dasch e bsungere Grow

macht aues rund i mim Flow

Gliich dünktsnech, wie bi Wyfründe si Weedfründe

das triffts ächt guet, i finge angeri Vergliich dümmer

... People, i mues öppis mitteile

-d' Froog isch nid öb, aber wenn: gits eine?

i bi rollig, dräie Jibbits mit Feinem

... jetz, Babe... gits eine

Wenn di würklech frogsch, was i dermit meine

I meine, es cha auerlei shit heile

.d' Froog isch nid öb, aber wenn: gits eine?

Jetz Babe, mitschreie, gits eine?

VÖ: Ouguscht 2023

Beat, Mix und Master vom Free Quenzy

Lyrics:

Es isch wider Summer, mir si wider duss

Shades wäg dr Sunne, nid nume wägm Gnuss

schütze wäge UV - Sunnecrème-Duft

nime grad es Muu vou Sorbet mit Schuss

Es isch wider Summer, mir si wider duss

Shades wäg dr Sunne, nid nume wägm Gnuss

Gumpe is Wasser und chüele mi ab

Bis ganz tüüf i d Nacht chaschne füehle, dä Taag

jo, es isch wunderbar - a somne Summertaag

jo, es isch sunneklar - Badtüechli, Ungerlaag

ir sängende Sunne am Singe wie Sänger, nid summe

summe tüe Biindli und si eso ständig verbunge

verteile die Polle, as wäre si Mr. Nice Guy

verteile das Läbe im Drive-by, i meine Fly-by

Ice, ice baby, i mim Drink uf das High life

High five, bitte no kes Bye Bye

Es isch wider Summer, mir si wider duss

Shades wäg dr Sunne, nid nume wägm Gnuss

Schütze wäge UV - Sunnecrème Duft

und nime grad es Muu vou Sorbet mit Schuss

Es isch wider

Ventilator usverchouft, Klima-Aalag Manguwaar

Aber hey, hitzefrei isch lang no nid verhandubar

Easy, i gsehs cho wiene Landebahn

Mir si wandubar!

Es isch wider Summer, mir si wider duss

Shades wäg dr Sunne, nid nume wägm Gnuss

schütze wäge UV - Sunnecrème-Duft

nime grad es Muu vou Sorbet mit Schuss

Es isch wider Summer, mir si wider duss

Shades wäg dr Sunne, nid nume wägm Gnuss

Gumpe is Wasser und chüele mi ab

Bis ganz tüüf i d Nacht chaschne füehle, dä Taag

VÖ: September 2023

Beat, Mix und Master vom Free Quenzy

Lyrics:

die hani vou nid gfunge - muesi usnahmswiis uf Papiir gschribe ha... hmmm. 🤔

VÖ: Oktober 2023

Beat: Doc Breasy, Mix und Master vom Free Quenzy

Lyrics:

bi ke Newcomer, bi scho lang do

do wärde aui härzlech in Empfang gno

do ghörsch nüüt vo lambos und bandos

dr Stang do: jedes Ego isch belanglos

do wird au dä bullshit vonang gno

und sichergstöut, dasser gar nüm cha z stang cho

das isch nötig, wöus hett Überhang gno

dasses bi vöune schlächt ume Verstang stoht

... gloub mer, i bi gnue aut

und mache Türe uuf, wenn öpper eini zueknaut

... shit, das isch ke Zuefau

dass i gnau jetz do bi, wo's mer guet gfaut

ufem Beat, mis Spöufäud, kickis wie bim Fuessbau

Ha weder Schmiergäud no Buess zauht

los mer guet zue, wöu i muess baud...

ha gnue ztue, wie dr Stier im Chuestau

jo i bi dä OG vo Soly

i stoh für hope i, verstohsch mi

mi dünkts, mir si low key Verlorni

finges überhoupt nid in Ornig

jo i bi dä OG vo Soly

shit isch no joke auso loh mi

nope, du getrousch sowieso nid

es geit nid um mi, i bi vou ke Bedrohig

i bimi grad am widerhole wienes Mantra

gohs entspannt a, ma ke Chrampf ha

i länge s Läbe nüm mit Händsche us Samt a

nei i knutsche dermit, i wotts ganz ha

vilich würki lammzahm uf Standgas

i lueges nid nume aus intressant a

i figge hüt ke Beats me, mache mitne Tantra

machsch Witze über mi, überfahr di mitme Manta

... i weiss, du weisch nid, was i eis für eis bi

mit mir, mire Fam, mire Musig und mim Place bi

... i mim Flow, i mim Geischt, i mim state bi

.i mim Kreis bi und i füehle, jo das heilt mi

Frei isch... mis Schriibe us Brain Sicht

.Skizze mit Bleistift, fixes mit Reinschrift

. gsehsch ou , wie aus überreizt isch?

fürne OG isch au dä huere Hate Gift

jo i bi dä OG vo Soly

i stoh für hope i, verstohsch mi

mi dünkts, mir si low key Verlorni

finges überhoupt nid in Ornig

jo i bi dä OG vo Soly

shit isch no joke auso loh mi

nope, du getrousch sowieso nid

es geit nid um mi, i bi vou ke Bedrohig

VÖ: November 2023

Beat: Doc Breasy, Mix und Master vom Free Quenzy

Lyrics:

Gisch mer

Hesch mer

Längsch mer

Chasch nid no schnäu?

Zahle chani nüüt, aso gibmr Gäud

Bini gopfridstutz e Idiot

oder bini öppe us Samt? 

Oder gsehsch i mir Diener, wo für irgendöpper chrampft? 

Bi ke Bär mit Nasering wo adr Chötti für di tanzt

Machsch der schöni Böuder - photoshöppele mit Glanz

Chasch di Wäg nid säuber mache, stöpplisch do am Rand? 

Chunnsch nid wiit und gheisch, wie Öpfle abem Stamm

uf Steine, so heiss, dass jedes Tröpfeli verdampft

Shit, wasme nid scho aues vo mir plötzlech het verlangt 

Gisch mer

Hesch mer

Längsch mer

Chasch nid no schnäu?

Öppis mache, säge bitte, gäu

Gisch mer

Hesch mer

Längsch mer

Chasch nid no schnäu?

Zahle chani nüüt, aso gibmr Gäud

gibter

ha dr

läng der

e Flättere, wo schmöcksch

Dasses schäpperet und chlöpft

gibter

ha dr

läng der

e Flättere, wo schäut

und de hätte mer, was fäut

ah, verweigere gad e Befäu

... Aber: nei, i cha nid no schnäu

Schliesslech bini dä, wo dr Lade erhäut

... Auso, mahfacas, zahlet ds Gäud!

...Bi scho aues gsi: Lexikon, für Texte do

wenn am Schwümme und am Struggle bisch, chumi mitm Rettigsboot

Chume di cho usezieh, wöui gseh, du stecksch i Not

i Verletzigsgfohr, auso streck di is

Lot... Besser play nid dermit

de reagieri like never gaving a shit

Weder Bättler no Butler, stay off the dick

Du weisches no nid und bisch eifach scho gfiggt

... vilich überleisch, wases isch,

... bevor dis Urteil anegisch

Heb dr vor Ouge wenn Entscheidige triffsch:

Das si keni Bars, dasch e Heiligeschrift

Gisch mer

Hesch mer

Längsch mer

Chasch nid no schnäu?

Öppis mache, säge bitte, gäu

Gisch mer

Hesch mer

Längsch mer

Chasch nid no schnäu?

Zahle chani nüüt, aso gibmr Gäud

gibter

ha dr

läng der

e Flättere, wo schmöcksch

Dasses schäpperet und chlöpft

gibter

ha dr

läng der

e Flättere, wo schäut

dür dene Räpper ihri Wäut