Natur
Mir chöi nid ohni si, aber sie chönnt äuä besser ohni üüs: Mama Ärde. Drum: Fahr abe, schaut s Outlook ab, trenn dis Bluetooth, cancle Termine, leg s Handy wäg und gang zrügg i d Natur. Gang di go ärde. Es isch e Ufruef, uszbräche us Auem, wo üs entfrömdet. Düreschnuufe und d’Uhr vergässe!
keni to do’s – ke Outlook, ke Bluetooth
ke Taschtatuur und ke Muus bruuchts
ke Termin, kes BILA, ke Uustuusch
ke Ruusch und ke Suuftuur
schnuuf ii, schnuuf uus
i bi duss und suuge d Natuur uuf
das isch öppis, wo ou Du bruuchsch
süsch gheisch jo zur Spuur uus