Beat: Doc Breasy

uff, sry die Lyrics hani nüm gfunge... mues mou s analoge Archiv go dürforschte

Beat: Doc Breasy

ugh... same here... Text nüm gfunge

Beat: Doc Breasy

Und i ha gmeint, dir wüsset Bscheid
Über sone gwüsse Brain
Am Schwitzerrap sis Trüffuschwein
Brächet nech bim Bange nume jo nid öiches Schlüssubei
Wöu i riise nech mit, we dr Beat mi so kickt... Cha nid widerstoh, mues dri wie dr Dick
Es geit wie vo allei, man, i schriibe das nid... aber Ziile so dope, i sött deale drmit
Öbs fiirsch odr nid, druf schiissi mi shit... I mache sowieso ganz fliissig so Hits
Aui bäue so luut, aber biisse no nid, Zyt dass i ändlech release mi shit
I bi scho immer wit vorus gsi, hamer drum dänkt machet witer Ufzgi
Und kicket dä shit wie dr Bruce Lee, aber tüet nid so stier, man, dir sit no Guschti
Die Aute keepes so chrampfhaft real und hate dä Designer Panda-Stil
Die Junge wei ums Verrecke angers si, aber aui verbliggts fürne Hammer-Deal
... Es isch no lang nid verbii, so wie mir am verwandele si
Si murmele wenn si am mumbele si, i bi stouz je toleranter mer si
Nei, mir müesse nid grad aui Fründe si
Nume luege, dass die Ängscht vo de Bünzli ou begründet si

Röfrä:
Sorry zäme i ha nume wöue Bscheid gä
I ha do öppis für aui zäme zum mitheinä
Dir chöit öich es Bispöu a mim Style nä
Für das muesi jo nid unbedingt cho teilnä
Sorry zäme i ha nume wöue Bscheid gä
wöu i vo Soly bi, cha i nach 10 no eis gä
I gloub jetz weiss dä und die si heis schwär
Mir wöue go verzöue, ssig ke Reis wärt

Part 2
Gloub mer, so chas kene vo de Buebe
Egau, wie lang si i de Elleboge sueche
Aber ou die Aute, s Mic a Bode legend luege
Zu üs do ung bini lieb, zum bi dene dobe de go flueche!
Jetz heit dr Information, wüsset Bscheid was dohinger so goht
Do glingt jede Ton, dringt i dis Ohr... So tönts wenns e Profi i d Finger het gno
Es chönnt üs schlimmer ergo, bi empfindlech uf Spinner wo wimmere do
Es chunnt mer i Sinn, das isch doof aber i empfoh, was ou immer as goht
Und das Spektrum het e riisegossi Bandbreiti
Gränze si do fliessend, mit mim Floss as Land gleiti
Chume de ah, foh mit de Trummele a, nume e paar
Mache Wörter wie Chugele klar, si föh vo allei grad mit rugele a
Föh afo hüpfe zum springende Punkt, zieh langsam d Schlinge drum um, finge e Grund
Ha ou e innere Hung, leinelos was ou immer as chunnt
I ha grüschtet, weisch, Mise en place, i d Schüssle gleit, jetz wüsst der Bscheid
Über sone gwüsse Brain, wo sech brüschtet breit und Schüss verteilt

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

zu däm gits es Video vom Jaken und Bufi (Legends vo Soly)

Beat: Doc Breasy (jo, das bi ig, wenni produziere)

immerhin hani dr Verse 2, Hook und Bridge gfunge:

Hook:

Mis Nummereschöud isch sowieso SO
Pump das i dim Chare und si mache Ouge soo gross
Logo, eifach nume losloh
Wie mer so dürs Läbe turne, hei Aui mou es Solo

Verse 2:

dört, wo dir 10 säget, dört säge mir 11
Wie s Bier, wo bi üs bschtöusch, ganz egau was üs verzöusch
Kes Problem, we du di gsöusch, solang du di nid verstöusch
Bimne Soledurner blöffe, isch gnau das, wo du nid söusch
Mir si fridlech - hei zum Stänkere jo ou ke Grund
Usser villich, wenn vo Gränche oder Oute chunnsch
Es chöi nid aui so geili Sieche si wie mir
Nummer 1-Stadt, Heimat, i liebe di so sehr!
Si ligi jo am Meer, so isch d Läbesqualität
Jo im Herbscht gsehsch üse Ozean us Näbu näbem Bärg
Und wenn ufem Wyssestei abeluegsch vom Göiferlätsch
De füeusch wie miis Deheim, Tag für Tag nöi erläbsch
Trotzdäm chöi mer wäg, zum huere gärn zrügg cho
Hei üsi Familie, üsi Fründe, üses Glück do
Im Härz immer es Stück vo üsem gliebte Stedtli
Ou die, wo ufs Land si, wüsse, was am Chare sett si

Bridge
... Ey villich ischs nech z Ohre cho...
... I bi scho gebore do...
... Liebe, läbe, wohne do...
... Niene chläbi so wie do...

Dä isch für mini auti Crew Group Therapy!

ou do: immerhin hani no dr 2. Part gfunge:

Mini Homies si die letschte Tuusigsassas, wos no git
Ganz egau, öb si mit mer Musig mache oder nid
Si chöi eifach aus, öb nöis oder auts, so gits nöime dehaut die haters...
zu öich e chli chaut, hei töifere Haut während
öiche zerfaut: wie heit ders?
Die Gruppe gits länger as zwöi Dekade
Duck di, du Penner, uf d Chnöi vor Gnade
Grad hurti erkenne wie töif muesch grabe
Chöi jedes Hööch, jedes Töif ertrage
Chli meh as öichi Chragewiti auso blib brav es zitli
Eini, lings, eini rächts und de grad i d Mitti
Wiene Suuftuur: Bar für Bar und figg di
Zile für Zile, hei Schuub wie Turbine
Zieh di grad ine, ke Bedrohig i bine
Räpper wo eifach eso e chli d Schine
Fahre mit Stiu, dass jo nid muesch gihne
So oder so, i bliib und bine - Doc Breasy vo GT, dasch wieni befihle
Mi Gruppe isch Crème, i riib ders i d Bire
Unde lohsch mi lo wiiterspile
I ha scho meh as gnue Zyt vertribe, mache jetz Ärnscht, ha Beats beschribe
I maches so gärn, dassis wiitergibe
Machet mou Lärm für mis Team wie sibe
Aaahhh... Gimmer grad 11
Sofort und immer zur Stöu
Dir heit ke Schimmer, was zöut
mir göh dür Himmu und Höu

Beat: Doc Breasy

Hook:

Chömet scho
hebet mi... & nüt me isch me
negativ... chömet scho
beweget mi... das isch mini
Therapie
chömet scho
hebet mi & nüt me ischme
negativ... das isch mini
Therapie, macht mi so
kreativ

Verse 1:

... scho sit chline Bueb
... isch die Therapie so guet
Musig! Si vermiidet Wuet
We dr Ärger widermou verbii het gluegt
Si fiiret Fröid und bi Truurigkeit
Hani mi scho mängisch mit Muusig gheilt
Si macht früsch wie wenn unger Bruuse steisch
Und höuft ir Pubertät, we unger d Bluuse geisch
Si macht aues besser oder besser z erträge
Therapie gäge Stress und gäg Räge
Fessle versäge- egau, was Chefe entgägne
Therapie zieht di use, we i d Nessle bisch glääge
Musig macht mi starch wie gueti Lüüt
Um di ume - schafft si Muet us Nüüt
Während e Hater zueluegt und lüügt
Und nume böses Bluet erzüügt

Hook:

Chömet scho
hebet mi... & nüt me isch me
negativ... chömet scho
beweget mi... das isch mini
Therapie
chömet scho
hebet mi & nüt me ischme
negativ... das isch mini
Therapie, macht mi so
kreativ

Verse 2:

Mini Insle, mis Paradies
Hanes Grinse wie dr Alladin
Mi flüügend Teppich, simsallabim
S het Gott, Buddha, inshallah dinn
I bi use i die Wäut am Dänke
S isch nidmou vilich säubschtverständlech
Dir fingets doch ou wäuz bedänklech
Gliich weit der aues, säute längts nech
Mi Wäg, mis Ziu, mi Läbesstiu
Mis Härz, mi Pfiu, es Schmärzväntiu
Es verbindet mi, mit mim Innerschte
Macht mi zu däm woni sit immer bi
Är isch so ling, mi shit drum bringne jetz
Übers Hindernis, mit Innerrischt
I bi ganz ohni Not erfinderisch
So dankbar, wie vöu scho am stimme isch

Hook:

Chömet scho
hebet mi... & nüt me isch me
negativ... chömet scho
beweget mi... das isch mini
Therapie
chömet scho
hebet mi & nüt me ischme
negativ... das isch mini
Therapie, macht mi so
kreativ

Beat: Doc Breasy & S

ke Lyrics... my bad

Beat: Doc Breasy

Gitarre het e Kumpu iigspöut

whoopsie, Text nüm gfunge

Beat: Doc Breasy

Hook:

Mir chöme nid druus
gröberi News
Wei immer höcherztüruuf
Und höre nid uuf

Verse 1:

Scho lang chönnt me zuegä: das isches gsi
Wenn isch dä Kapitalismus verbi?
Es chönnt sech scho längschtens am Ändere si
ke Zyt me z verschänke so länke mer i
Mir chöme nid druus, z tüüf i däm Scheiss
Es Suchtverhaute i Tüüfu sim Kreis
Dr Gloube as Guete wäg Lüüge vergeit
Wär d Frou mues mit Huere betrüüge verseit
Das macht Vater Staat grad mit Mueter Ärde
Sött wider eine vo de Guete wärde
Wöu ihri Liebi isch bedinigslos
Är nützt das us... dr Gwinn isch z gross
Mir si zäme starch auso setze mers um
Dank Internet simer vernetzt aso chumm
Mir mache e Plan mit ganz vöu Elan
so Rette mer d Wäut vo däm Wahn

Hook:

Mir chöme nid druus
gröberi News
Wei immer höcherztüruuf
Und höre nid uuf

Verse 2:

Die nöchschti Stuufe vor Evolution
Isch we me mi frogt, d Revolution
oder e Planet wo kene bewohnt
statt s Paradies und jedem si Lohn
lueg uf Gschicht, sisch huere Gift
ersch nachem Sturm isch Rueh in Sicht
s Schlächte zeigt, was s Guete isch
mängisch tueni mi schwär mit dr Zueversicht
mir chöme nid druus, si gfange i Loops
... üse Dräck ruume angeri uuf
wei brötleti Tuube vor Pfanne is Muu
Lieber bliibe ir Gusch und hange so fuu
Ächze und Schweiss, Dürbräche vom Kreis
mitme gspürige, nid mit berächnendem Geischt
Gwünne das Gfächt nid allei
S bruucht aui Mächt womer hei

Hook/Outro:

Chöme nid druus
Wie mer chöme dodruuf
Aues isch möglech und du
Machsch böge ums huus
Vermöge wo bruuchsch
Höger zdüruuf
Hesch möge, was suufsch
Stöberes uuf

Beat: Doc Breasy

muesch hingers Ohr cho läse, Lyrics nüm gfunge...

Gitarre het e Kumpu iigspöut

Beat: Doc Breasy

Hook und ei Verse hani emu no gfunge:

Hook:

I wäsche dir dis Hirni wider suber
Dass dis Härz wider singe ma und juble
Das isch es Rächt für mi, i nime mer das use
Mir stöh nüm hinge a, mir göh zäme ufe

Verse 1:

... No vöu meh Hirni si verdorbe sit mim aute Lied
Si schaute nie, si gwautverliebt wie chaute im Chaute Chrieg
Es git immer meh wo no luege, obs stimmt und wär weles Stück vo däm Chueche do nimmt
Hei Muet, dasses glingt und s Guete de gwinnt, so suechsch nid dr Sinn
Me chönnt sech frooge werum, frooge wohär, frooge wiso isch die Froog eso schwär
Und de stoht si im Ruum, stoht si im Wäg
Loht eim nid los, wöu mes so gärn het klärt
Mir si jo wou und ernährt, schätze jo vou ou dä Wärt
Angeri touche is Schwärt und mir gloube, dass wär
Drum so nid nötig, s isch nume wäg de Nötli
So go dumm tue und blöd si bis mer zringsetum gstört si
Aber nope, mir si woke, hei uf aues chli es Oug
Das, wo do usse abgeit, isch e schlächte Joke
Im Hirni fohts a und wenn s Härz de ou nickt derzue
De isches so klar: ersch wenns bi aune klickt isch guet
Bis die 20gi gheie i das bodelose Litergfäss
isches no e wiite Wäg und drum mues mes witergä