about me
Sit 1994 bini am Beats mache, zwöi Johr spöter hani aafo rappe.
Soly (Solothurn) repräsentiere isch mer scho immer wichtig gsi. Nid nume ig bi dr Bewiis, dass sich do die Auerbeschte vom Fach tummle 😎
Mit mire erschte Crew Group Therapy (GT) hani üsi lokali Rapszene ufgmischt – mir hei regionau a Jams und Cyphers represented, paar Konzärt gspöut, vöu ufgno, säubergmachti Tapes uf CDs brönnt und verteilt. 2007 hei mer es Aubum gmacht: GT Vol. 1. Überigens: Schiins het das dr damaus ca. 14jährig Pronto fliissig glost ♫
Im 2020 hani s erschtmou säuber überau digitau released, immerno unger GT-Flagge – bis 2022. Sit Vagabund unger mim Label Mou Music. Nach über 100 Songs hani aues Ändi 2023 wider offline gno. Do uf mire Homepage fingsches – frei zum streame.
Nachem Downtake Ändi 2023 hani checked: es geit gar nid ohni Musigmache! I loh mer eifach freie Louf. Es kreativs Väntiu tuet haut scho huere guet! Drum: I cha eh nid ohni, auso machi witer und luege mou.