du & ig

Beat vo mir aka Doc Breasy

Part vom P. Nero

Hook

. Zyt, dass me begriifft

Du und ig

Mir si gar nid angersch

Du und ig

Mir si nämlech gliich

Du und ig

Heis no nid verstange

Du und ig

Läbe gschidermou in Peace

Du 

Bridge

mir si gar nid angersch, nume ungerschidlech gliich

Wöu mer - so wies usgseht gar nid grundverschide si

separiere wäge Gäud isch weder gsung no isches riich

chumm mer drum mit Peace so wie kunterbunti Freaks

Part

... Das, dis, das, mis

Arm, riich, das schiisst

A, please, Schwarz, wiiss, 

Farb, gliich... 

Egau öb do oder dört, mir si uf eire Chugele

Hesch e Schibe ischs e Schibe, aber d'Steine si am rugele

Uf jede Fau isch s eis, loh keine lo verdubele

Mues die Brains e chli hudele, meischtens verstrubblet se

. Liebi i jedem Part, Liebi uf jedi Art

. Liebi für jedi Farb, Houptsach Liebi jede Tag

Nie nid hani zweni Bars, akzeptiere keni Creditcarts

Zum kuriere wedi de mis Gras legalisiere und chli greglet ha

. Vilich könnsch Haze, zum entspanne verbrönnsch eis

. Wie jede Mönsch weiss, mir si us Möschheit

du und ig si nid frömd nei, für irgendöpper dr schönscht Cheib

Zyt, dassme sech gönnt, ey

Beat: Doc Breasy

d'Aare ab

2x Hook

... Wenns nid um Liebi geit: jo de fahret ab! 

... Me fingt kei Glück, we me Zahle jagd

... Fruscht strahlet ab, wenner scho sit Tage nagt

... es fliesst no so vöu Wasser die Aare ab

Part

es isch e schmale Grat zwüsche Iiversucht und Hass und het e 

fahle Gschmack

s Läbe cha i d Frässe schloh: Zahnersatz

aui wei kassiere: Paradeplatz

Man, das isch kes gottverdammts Monopoly, i froge mi wemes loht lo si und sich verloht uf Peace, bi chli Brot und Wy

Und für das stoh me i, gross und chli

... Mama Ärde het Drip wienes Troperiich

2x Bridge

Auso Sorg ha, und lieb si mitnang🎶

Jo, di gohts a, chum zieh mit am Strang

Und de lohs a, massier di Verstang

Stang vordra, ou wenns niemer verlangt

2x Hook

... Wenns nid um Liebi geit: jo de fahret ab! 

... Me fingt kei Glück, we me Zahle jagd

... Fruscht strahlet ab, wenner scho sit Tage nagt

... es fliesst no so vöu Wasser die Aare ab

Part

So klar, aui wüsses besser vom Sofa

Uus, wases bruucht bis me los cha

Richtig Mota für aui es Brot ha

Und e Notlaag wird e Fauxpas

Wenn Mönsche wichtiger aus Gäud si

Könnsch mir richte üs e Wäut i

Wo aui Schichte plötzlech wäuz gliich

gwichtet... Für aui e Nobäupriis

2x Bridge

Auso Sorg ha, und lieb si mitnang🎶

Jo, di gohts a, chum zieh mit am Strang

Und de lohs a, massier di Verstang

Stang vordra, ou wenns niemer verlangt

2x Hook

... Wenns nid um Liebi geit: jo de fahret ab! 

... Me fingt kei Glück, we me Zahle jagd

... Fruscht strahlet ab, wenner scho sit Tage nagt

... es fliesst no so vöu Wasser die Aare ab

Beat vo mir aka Doc Breasy

do fäut e Teil vom Text... hmm🤷🏻‍♂️

I weiss, dassi zimmlech vöu am Chlage bi

Mueses useloh wöu süsch ertragis nid

Wie mir am schade si, behebes aber nid

Gedanke stoue und entlade sich

Wenni am Chlage bi

... isches ufem höchschte Niveau, 

wöui möcht dasses goht, 

dass aui ou uf ihri Chöschte si cho

I hoffe, mir bringe das nöchschtens is Lot 

Es isch ungrächt, drum eröffni d Vision

Mir löh Luftschlösser entstoh

Gheie vo zhööche Rösser i Stroh

Bliibe wie Pföschte am stoh

Und sitze im gliiche, zerlöcherte Boot

A d Hoffnig chlammeri 

mi, dassi dranne blib

Was fürne Jammeri, vo dene gits no angeri

Und hei die Empfang derbi, glangi dri

Mache Liebi zure Pandemie

bis mir am handle si

am Schreie si

Beat: Jaken

Bridge:

Es stinkt hässlech zum Himmu

Dä Föuz het e grässleche Schimmu

Mobilisiere Mächt mitem Himmu

Und mim Grächtikeitsfimmu

Hook

Und i tröime no vo Peace

fröi mi ufne Freeze

Entschlöinige mit Fliiss

wöu so ernöjere mer s Riich

Mini Message am ströie, bis si griift

... Mir sötte aui scho am Schreie si

Nach Veränderig und es verleidet gli

... Dass mir nid aui scho am Schreie si

... Mir teile üs, wöu mer nid am Teile si

Part

I bi scho froh, wo mir deheime si, do isch so okay und gliich, Rohstoff hei mer reihewiis, jo, vo do wottsch kei Verwiis

Aber weisch, dass do so frei ir Schwiiz, chasch läbe, goht scho meilewiit zrügg, bevor mer eis si gsi, si am dürereise gsi

🎶 ... E wiit gwachsni Raschtstätt

E Gaschtstett, weme überne Aupe  Pass wett

....Und do druuf isch Verlass, jep

Wie uf dass öpper chunnt cho brämse weme Spass het

Bridge:

Es stinkt hässlech zum Himmu

Dä Föuz het e grässleche Schimmu

Mobilisiere Mächt mitem Himmu

Und mim Grächtikeitsfimmu

Hook

Und i tröime no vo Peace

fröi mi ufne Freeze

Entschlöinige mit Fliiss

wöu so ernöjere mer s Riich

Mini Message am ströie, bis si griift

... Mir sötte aui scho am Schreie si

Nach Veränderig und es verleidet gli

... Dass mir nid aui scho am Schreie si

... Mir teile üs, wöu mer nid am Teile si

Part

Je lüter si säge, si hättes jo fair gmacht

Desto meh isch das Vätterliwirtschaft! 

Das tönt nid so schlimm wie Schätz vo dr Wehrmacht

Und i wirde zum Rapper, wo Dir passt

Hook

Und i tröime no vo Peace

fröi mi ufne Freeze

Entschlöinige mit Fliiss

wöu so ernöjere mer s Riich

Mini Message am ströie, bis si griift

... Mir sötte aui scho am Schreie si

Nach Veränderig und es verleidet gli

... Dass mir nid aui scho am Schreie si

... Mir teile üs, wöu mer nid am Teile si

Beat: Doc Breasy

do fäut ou Einiges, but you'll get it

... und de bisch ou so lahm

Wemers mou gschafft hei uf d Outobahn

I gseh, du hesch ke Verfougigswahn

Wöu i bi scho rächt nööch wiene Rowdie dran

Mit 110 hätts grad die rächti Spur

Aber nei, du häbsch dra, mächtig stur

Bliibsch links, Berächnig pur

Bises hingerdir i dis Lächle huupt

... S het e Mehrheit Schäde

Im Benähme mit Verchehrsteilnähmer

Sötte üs ab däm wo mer gseh hei schäme

Zäme uf dr Stroos, aso eh kei Gägner

... Und gliich aui für sich

Im Verchehr isches aube verchehrt

Verlehrt wie me haubers ok

Umgeit mitnang, nume schnaue mers nid

. es geit nume langsam und zäch

i dere länge schlange us bläch

aui allei am hange im gfährt

und hei nidmou sone angere wäg

Beat: Doc Breasy

2x Hook

Im luute Labor, nid im stöue Chämmerli

Tüftli a mim Sound, ha au die wöude Kläng derbi

Rap, Söube, Gsäng und Beat, Trap wöu ständig Freak

ir Spöuverlängerig, erläbi vöu Veränderig

Beat: Doc Breasy

Hip Hop  mi Ärdig, gli scho ischs klärt gsi

I schloh mi Wäg i, Tip topi Färbig 

... Boom Bap beschriibt wo mer här si

chöme vo Freestyle und Beatbox im Pärkli

... Soly! I bi easy scho dä gsi

Wosi säge, gäge dä schiints no chli schwär zi

Übertriibt so mit är si, wiit ober Wärtig

Es siiig schono närvig wi sone Wärbig  

Freshe Siech, geschter wie hüt dä, wo besser zieht

Dä shit no feschter liebt, bitte, du heschs verdient

Yeah, uf jedem Track gohni all in 

Es isch dä mitm Rap i de Balls dinn

Dä wo das Gras nid z troch roucht

Blüetefäde si farbig in roschtgoud

I ha Bars wie dä nachem Poschtroub

I bi dä, wo dr Bartli dr Moscht hout

... I bi dä, dä wo isch gfrogt gsi

... wo si DÄ gsuecht hei, wo isch top gsi

... Dä ufm Wäg immer obsi

... Jo, i bi dä, wo du wottsch si

I bi nid dä, wo stichelet und stachelet

Und nid dä, wo vilich no e Fasere

Het i sim Körper, wo bibberet und hadderet

ha nüüt z überlege, i bi scho am buzzere

Lifere statt lafere, egau wie sechs verbreitet

es isch nid wie Masere, wöu es chratzt mi nid

und praktisch gits, Verschideni, wo labere

i bi nid ufem hööche Ross, i gibem e chli z hafere

i bi nid dä, wo du dänksch as i bi

bi nid dä, wo's jetz ändlech mou git

mi gitz scho eewig, i beschänk di dermit

i bi nid dä, wo chasch chränke mit shit

i bi dä, wo me einisch ir Zyt erläbt

dä, isch meischtens chli wiitewäg

i bi dä, wo sech stylisch mit Hits erhäbt

und s fählende Teili vom Schwitzerrap

... I bi dä, dä wo isch gfrogt gsi

... wo si DÄ gsuecht hei, wo isch top gsi

... Dä ufm Wäg immer obsi

... Jo, i bi dä, wo du wottsch si

Dä, wo seit, was geit, wenn du frogsch

Dä, wo nid so steit wie usgstopft

Dä, wo nid grad gheit wie usgnockt

Dä, wo ständig eis no ufstockt

... I bi dä, dä wo isch gfrogt gsi

... wo si DÄ gsuecht hei, wo isch top gsi

... Dä ufm Wäg immer obsi

... Jo, i bi dä, wo du wottsch si

läbe es Läbe

Beat: Delta Collective

Part

... Bliibe ufem Bode isch nobu

.si mache lieber echli Tohuwahobu

Vo zungerschtung bis ganz obe im Tobu

Ig meh e drübergflogene Vogu

wie bim gschobene Hobu, flüüge die Spön

stüüre dür d Tön und befüüre se schön

... nüüt isch mer ztüür wemer göh

Dörthi wo Lüüt sech verstöh, und Mythe entstöh

Sie si wäg Chrüter empört und trinke Aukehou

Das gfaut mer scho, rouche lieber baud es Horn

Wirde s Schwäre los, jedi Gstaut und Form

Und bi schwärelos, Astronaut undso

Das isch vilich nur e Hautixfroog

VIPs woni a mi Schauter loh

Niemer, womi nume haub verstoht

Aues oder nüüt wes mi chaut het glo

2x Hook

Ah,... Yeah, Lueg, i läbe es Läbe

Und do isch aues, was si säge vergäbe

Mit si meini die, wo erträge statt schwäbe

kläglech versäge, bis Schädle vernäble 

Part

... stiige i d'Hööchi isch nötig

wöu do ung isch die nööchschti Verblödig

... mir stürme wie gstört um die Nötli

am Schluss bliibt nume es verbrösmelets Brötli

ke brötletleti Röschti, nume Äsche und Stoub

auso i gib e Figg uf das Gläschter vom Vouk

gierig stopfe si sech Täschene vou

verwandle sich ine hässlechi Sou

Dr Räscht isch e Joke drum jammeri nid

Loufe dür die Beats mitme strammere Schritt

Mit Delta Collective landi e Hit

Musig isch Läbe und dä Fun wo's mer git

Isch angere shit, i meine Ruumschiif

Space ab, dass erstuunt bisch

Bis jetz ischs e ganz guete Trip

Nei, lamentiere tuet me nid

2x Hook

Ah,... Yeah, Lueg, i läbe es Läbe

Und do isch aues, was si säge vergäbe

Mit si meini die, wo erträge statt schwäbe

kläglech versäge, bis Schädle vernäble 

2x Bridge

S Läbe isch mit Beats beleit

Si säge mir wies wiitergeit

Nä-ä, ha ke Zyt füt Hate 

Wöu s Läbe äbe deeper geit

2x Hook

Ah,... Yeah, Lueg, i läbe es Läbe

Und do isch aues, was si säge vergäbe

Mit si meini die, wo erträge statt schwäbe

kläglech versäge, bis Schädle vernäble

MIIII SCHAAATZ

Beat: Sandro Purplegreen

Hook und erscht Part isch for really real mis Gelübte a üsere Hochzyt gsi, just sayin'

Part

Mi Schatz, lueg do isch di Platz 

Ganz fescht i mim Härz ha Di iipackt

Du hesch mi ganz Iisatz, meh as Tee und Zwieback

Dass das mit Üs ou i schwäre Zyte gliich klappt

Mi Schatz, es isch so wunderschön mit dir

So harmonisch, ohni die chrumme Tön mit dir

So eifach, so frei wie: chumm mir göh as Meer

I liebe di so fescht, s isch fasch unerhört wie sehr

Mi Schatz, und hüt besigle mer das ganze

Mit Familie und Fründe gedige chli go tanze

Uf d'Gsundheit, uf üs, ufs Zämesy und s Glück

Weli Hang isch äch dobe, wemer schniide s erschte Stück? 

I gloub mir hei no mängi Glägeheit das z teschte

Mir Bache und Choche jo für Gäscht nume s Beschte

Und wöu i mi so guet mit mim Schatz verstoh...

S isch 11gsi, mir göh is Apéro

Hook

MIII SCHATZ, das isch mis Gelübte

Nächär göh mer ufe Bärg i üsi Feschthütte

MIIII SCHATZ do dra git nüt z rüttle

Gägesitig lüpfe, stütze, schütze

/du bisch mini Frou und du machsch mi so glücklech 

Part

Und hüt isch si grösser die Liebi aus vorhär 

Üsi Hochzyt nöchschtens mou vierehaub Johr här

I üsi zwöi Töchter isch Verliebe nid so schwär

Wohrnä wotti mini Roue und es Jo gä

Mit auem woni bi, auem woni cha, auem woni ha

Stohni i für üs, i schnaue, wasi ha

Tröschte bi Bobos, und saubelese grad

MIII SCHAAAAATZ söu ou mou es Haubeli go ha

Und chöi mer zäme i Usgang, chanis erwäge

Zäme go fiire, läck, was simer gsägnet

.. Mami, chum säg mer, das hani täglech

Und s isch garnid drnäbe, s Familieläbe

Mir heis forever gmacht, das hei mr clever gmacht

Kene schafft, jedi Sach, isch wenner nume redet zschwach

I zeiges i mim Handle: bi wie Hebuchraft

Meh asme dänkt und bliibe fleguhaft

Hook

MIII SCHATZ, das isch mis Gelübte

Nächär göh mer ufe Bärg i üsi Feschthütte

MIIII SCHATZ do dra git nüt z rüttle

Gägesitig lüpfe, stütze, schütze

/du bisch mini Frou und du machsch mi so glücklech

Familie

Beat: Doc Breasy

. Lueg, i darf entspanne, abefahre, Chare tanke

Windstöu, es flatteret ke Fahne a de Fahnestange

Aui si oke, das gloubi zmindescht, nid grad e Panne

Jetz wotti Liebi für mi Familie i die Bars verwandle

.. Lueget was us mir isch fürne Maa entstange

... cha für aues öich und üsne Ahne danke

Wei nid um Zahle zangge,. ou nid um Gras, wo dampfet

Mir si scho dür Drame gange und ou scho erstarchet dranne

. I stoh i d Schusslinie und wott aui Gfahre banne

. Und loh ke Stuss ine... Nei, dä nimi grad i Zange

Nüüt über Familie! Wome vo mir cha verlange

i chäm gärn am Hamschterrad abhande

Hook missin

luege gärn zrügg, i und ghöre wiene Stimm seit

nid aui heis wie mir, was bis hüt nid i mi Gring geit

Merci Familie fürne schöni Chindheit

Iuege gärn füre, dasses so ou üsne Ching geit

Wenn nid aui s gliiche Stück hei, isches sinnfrei

Je grösser as s Stück isch, desto grösser isch ou dBlindheit! 

mir wüsse genau, wies angeri schlimm hei

Verbanne die Angscht, nume Liebi, die nimmsch hei

Und zwar in Kingsize, si säge, mach dis Ding, Brain

Mini Queen, üsi Meitschi und aui im Game 

I müessts nid erwähne im Verse

Dir wüsst, wär dr sit: Family first

Hook missin

Bridge missin

Hookmissin

bliib no chli

Beat: by myself aka Doc Breasy

Part 

... es git öppis womi stört

... es füeut sech fausch a, absurd

... wöus zämeghört

Aber du bisch do und i äbe dört

Und simer ehrlech, das isch ke Zuestang

Du bisch unentbehrlech, am Hirni si Bluetbahn

Du weisch und du merksches, du bisch gnue dran

söttsch nüm chehre, do tuesch guet dran

... Ou wenni no nid wott, dass du geisch

Lueg, wie du ständig i mim Chopf umesteisch

Chlopfsch mer ne weich, bi sOpfer vom Streich

Damn, cha irgendöpper stoppe, dä Seich? 

2x Hook

gang no nid, bliib no do

gang nid wäg, fäusch mer sowieso 

Part

.ha dä shit nid so gärn

wenn nid mit mer no hängsch

lueg, es liggt uf de Häng

gang no nid, wöus nid längt

.bruuche di no bitzeli bi mir do

cha di jetz no nid vo mir loh

mh, mh, du wirsch no nid entbehrt do

wöu statt em Pfiu het dr Armor Speer gno

So vöu Liebi, Gfüeu die si sehr gross

dini Presänz spüeut dür mis Ego

Setze mi gar nid ersch zu dr Wehr do

Gscheh loh, es passt aus wie Lego

2x Hook

gang no nid, bliib no (chli) do

gang nid wäg, fäusch mer sowies

Bridge

no nid go, lieber nomou abliige ...cha di

no nid loh, mi verabschide

no nid go, cha dr noni tschüss säge

... si doch ersch no im Plüsch gläge

2x Hook

gang no nid, bliib no (chli) do

gang nid wäg, fäusch mer sowies