Beat: Doc Breasy

🎶Eeego
Rapper bin ig
. Wöu i für Egos rappe wie di
🎶Meh vo
So Schätz wotti gseh
Mini Tracks wärfe Schätte uf di
🎶Eeego
Guets Wätter für di
Ohni mi hättet ders nid, wätteret nid
🎶Meh go
Relaxe as Meer
Es isch es Glaceschläcke mit sich

Ego- i bi mit mim oke so
Wies jetz grad isch und so, wienis gseh cho
Tatsach, wes Spass macht de passt das wie Lego
Tagwach und klargmacht zum Abmarsch e Tee gno
Und los geits, wöu dr Grossteil bevorsteit
Sogseit, muesch i Gäng cho, bevors geit
Klar, i bi mit mire Gang scho bevorteilt
Die pushe mi ständig zu Hochleischt
Ige, bige Zile für Zile, i übertribe mit Schriibe... Riib derse ine
... Es verleidet, bis me hated
Wöu erreiche chas keine

🎶Eeego
Rapper bin ig
. Wöu i für Egos rappe wie di
🎶Meh vo
So Schätz wotti gseh
Mini Tracks wärfe Schätte uf di
🎶Eeego
Guets Wätter für di
Ohni mi hättet ders nid, wätteret nid
🎶Meh go
Relaxe as Meer
Es isch es Glaceschläcke mit sich

Ha! Für jedes Ego e Bitz
Schiins heigi jo no meh vo dr Hitz
Me seit, eh vou dr Shit
Dr Brain MC, zersch gloubsches nid
Si ungerschätze mi-i bi mers gwöhnt
Story of my life, bis si merke, wies föhnt
Dä Rapper, fingschne vilich schreeg wiener tönt, aber yeah, es isch schön, scho bim erschtemou ghört
Mi Sound jo, dä isch grösser aus ig
Do chani nüüt derfür, wott nid bluffe dermit
I release mi shit, wöuer öffentlech isch
I stoh bis zu de Chnöchle i Hits

🎶Eeego
Rapper bin ig
. Wöu i für Egos rappe wie di
🎶Meh vo
So Schätz wotti gseh
Mini Tracks wärfe Schätte uf di
🎶Eeego
Guets Wätter für di
Ohni mi hättet ders nid, wätteret nid
🎶Meh go
Relaxe as Meer
Es isch es Glaceschläcke mit sich

Es isch meh, wo sich entpuppet,
Es si Egos, ire Gruppe
Hei sech weh do, hei sech ducket
Göh i d Seeusorg mitem Zucker

Es isch meh, wo sich entpuppet,
Es si Egos, ire Gruppe
Hei sech weh do, hei sech ducket
Jo, si bruuche Therapie

Beat: Doc Breasy

2x
Chumm mit mir...
. I ha das, wo du bruuchsch, i ha Bars, i ha Groove, mach dr
Ungerschiid...
Und i fahre düruf, zu de Stars ume Moon

Eis, zwöi: minimum - drü, vier sowieso
Emu wenn bi 5 und 6, zäme bisch uf Soly cho
. Was meint jetz dä Gsöu? I meine öuf
... Zau vo mire Stadt, i has de meischte verzöut
dr Brain isch zur Stöu, de entsteit do ke Höu
Dir chöit hate wie dr weit, man, i weiss nid, was söu
Es geit nid, wie döu, ihre Geischt hei verstöut
Bräche ab, chöme abe so wie Steine und Gröu
är steit no, mi Föus, si wei sändele dra
si hei sech verzöut, wöu si ändere d Art
Auso, chumm mit mir, lueg i spände der Bars
Ändlos am bange und ändlech am Start
Und das universell, wöu unändlech parat
Los, i setze e Anker, de dänket dr dra
Rapper ohni Gränze si am Länke dr Car
Getränk inklusiv, versänket e paar

2x
Chumm mit mir...
. I ha das, wo du bruuchsch, i ha Bars, i ha Groove, mach dr
Ungerschiid...
Und i fahre düruf, zu de Stars ume Moon

7, 8, 9, 10 si ganz klar ou derbi
. Aber s 11i isch schampar e Goudigi
. Zau ir Landschaft, lowest key
würkt uf die Gsamtlaag fougeriich
Chumm mit mir, do wo d Musig läbt
I füehre di häre wie Google Maps
I ha no tuusig Raps und Loops und Tracks
Die chöme uusem Härz, nid us Gucci Bags
Weder Kingpin shit, none Blingbling Bitch
Nume Hits, wono Sinn dinnliggt
Dä fingsch gschwing fix, wie mis Ding im Schritt
die Situation, wones Win-Win git
Dr Beat isch mi Kompass, Flow isch mis Navi
Lead ufm Kong gmacht, Follower hani
Chli wie uf Montasch, boue, das chani
Schriib der di Songchasch gloube, für Money

2x
Chumm mit mir...
. I ha das, wo du bruuchsch, i ha Bars, i ha Groove, mach dr
Ungerschiid...
Und i fahre düruf, zu de Stars ume Moon

... Auso chumm mit mer mit
... Und mir fahre z düruf
... Wöu do unge, do gits
.Immer e Gfahr, wo grad luurt
... Auso chumm mit mer mit
... Mir mache e Tour
... Ufm Sprung ufne Trip
. und das strahle mer uus

2x
Chumm mit mir...
. I ha das, wo du bruuchsch, i ha Bars, i ha Groove, mach dr
Ungerschiid...
Und i fahre düruf, zu de Stars ume Moon

Beat: Doc Breasy

... i maches digitau, aber nid minimau
... Gradlinig gnau, stouz wine Pfau
... I bi dr Massstab und kes Lineau
... i bine Infulänzer & chilles wie die Sau

. Chumm nütz ou du di Gunscht, mir mache druus e Kunscht
. Es louft mit Muusig rund bis die ganzi Bude bumst
. Und das Publikum klatscht für das Unikum
Füre Infulänzer, nei, i bi ke fuule Hung
I gib ke Rueh, bis mer aui zäme chille chöi
. Mir si so imne Ghöi, finge ke Sinn im Gmschöis
. bruuche dringend Nöis, öb mirs no immer chöi?
Aus steckt e Klinge zwöi, imne Chnöi vo Hingerlöif
. Isches bliibe stoh statt uf Barrikade
.Mir tröime no dervoo, i däm Money zbade
Blind im Hamschterrad wie Kamikaze
Erfinge mer das Rad nöi chöi drmit zum Schlamm uus wate
. Nid uf Empfang am Warte, sondern legge los
. Mini Infulänzer, die hei das tschegget, scho
. Us dr Hecke cho, bevors ums Letschte goht
. Häshtäg no caption, wär dr Text verstoht

... i maches digitau, aber nid minimau
... Gradlinig gnau, stouz wine Pfau
... I bi dr Massstab und kes Lineau
... i bine Infulänzer & chilles wie die Sau

. Mi Post macht jedem klar, i stoube Seele ab
Dir gloubet eh nid dra, mou i gseh nechs a
... Mit mim Account fougsch nid amne Szene Ma
Längt die Energie überhoupt für Social Media
. Und dür die Datebahn, flüügi wie dr Peter Pan. Mit
Pouke- und Trumpeteklang, mis Füür isch zu no meh im Stang
... Stüüre em Meer entlang, vergüüde Beeribrand
Es geit zue und här wie i dr Tüüfi vo dr Reeperbahn
. Übere Livestream, zeigi keni Life dreams
. Si schreie: i scream!...Si wei ice cream!
. Si hei Wiitsicht, wie ufm Wide-screen
. I gibne Iisicht, das isch my Team
Scheissclean, nice si, jo das glingtne gänzlech
. Mir wei aus, gäu- nid immer längts nech
. Chöit mer Schtimme schänke, zum nid as Schlimme dänke
. Lueg wiemer glimmend glänze, i bi dr Infulänzer

... i maches digitau, aber nid minimau
... Gradlinig gnau, stouz wine Pfau
... I bi dr Massstab und kes Lineau
... i bine Infulänzer & chilles wie die Sau

Wär hätt scho dänkt dass so wiitchunnt
Scho wider schänkt der nech hits und
Ke followers, das chränkt mini peeps drum
Nur leaders, dass unändlech wiit chuunsch

... i maches digitau, aber nid minimau
... Gradlinig gnau, stouz wine Pfau
... I bi dr Massstab und kes Lineau
... i bine Infulänzer & chilles wie die Sau

Beat: Doc Breasy

Mir häbe nang, zäme mann
s Läbe lang, näbenang
Wägem Stamm vor
Gruppetherapie
...ohni Fäderkamm mit Läderbang
jage Büffu ufem Buggu vo däm Beat

Solyaner, mir gumpe ums Füür
... Nei, dir isch sone Stumpe nid ghür!
.Wottsch verschwinde, zhingerscht im Wartesaau
Wöu ganz genau: i bing di a Marderpfau!
Solyaner vomne öutere Stamm
Gruppetherapischt, i verzöues scho lang
Wennsi nachem Stiu froge?!... 'Lo goh' wie bim Pfiuboge
... Süsch isch no keine is Ziu gfloge
Solyaner, und wiemer üsi Wäut so gseh
Wüsse wieme s Läbe gniesst, mir wei säute meh
Bi üsem Bärg ung am Fluss isches wäuz okee
Uwuwuwu, wemer die drü Häuschte gseh
Sie zeige dr Heiwäg, dass weisch, wiede loufsch
Meischter vom frei nä, dr Geischt chli erhousch
Meischtens si Bei träg vom blaze wie Sou
Weisch, dasch mi Teil, dä vo Zeiche us Rouch

Mir häbe nang, zäme mann
s Läbe lang, näbenang
Wägem Stamm vor
Gruppetherapie
...ohni Fäderkamm mit Läderbang
jage Büffu ufem Buggu vo däm Beat

Chum zum Medizinmaa, am Schiin a, luegsch du mi no clean a, lueg was i derbii ha
Jetz geits dr guet, nächer geits dr prima
i gib dr nid Kante, lueg i ha ke Ski a
Schick di nid i Schnee, erhitze nid dis Klima
mi Biitraag, wo driima: lueg mi Katalog aus Therapie ha,
Jede foht mou chli a, wenns dumm geit ir Liga
. wie dä Riissack wo umgheit in China
Stop, mir si jo Indianer, shit das hani noni planet
Mir si gar ke Indianer, mir si nämlech Solyaner
Goh uf ganz verschidni Beats, i bine Polygame
Brain MC, wär könnt scho mi Name?
... Für die, wos wüsse ischs bekannt
... I ha vorde Büffle so ke Angscht
Zieh düre bis zum Schluss, immer grüschtet ine Kampf
Mit dr Fridenspfiife, de isch gwüss, dasses verdampft

Mir häbe nang, zäme mann
s Läbe lang, näbenang
Wägem Stamm vor
Gruppetherapie
...ohni Fäderkamm mit Läderbang
jage Büffu ufem Buggu vo däm Beat

Wuwuwu, ducke, süsch triffter
Solyaner vode Gruppetherapischte
Wuwuwu, mit de Hits usem Tipi
Am meischte rouchts use amne Figgdi Friti
Wuwuwu, mini Wurzle si dick do
Göh zrügg bis zum Urs undem Viktor
Wuwuwu, jep, das si die grosse Ahne
Hei noni gahnt, sie si Solyaner

Mir häbe nang, zäme mann
s Läbe lang, näbenang
Wägem Stamm vor
Gruppetherapie
...ohni Fäderkamm mit Läderbang
jage Büffu ufem Buggu vo däm Beat

Beat: Doc Breasy

Mängisch bini hässig und i cha die Wuet erkläre
Gottverdammti Mueterfigger figge Mueter Ärde
Presse Profit druus, bitter am entwärte
Bitchmoves, unbestritte simer Täter

Gletscher schmöuze wäg und die Wäuder brönne ab
Vater Staat nimmt Gäud vom Mönschepack
Figgt drmit d Ärde, anerkönnet das as Fakt
Und die isch üsi Mueter, auso gönnet ihre Platz
Setzt si üs vor d Tür, de gscheht üs das rächt
Driversetze mit Gspür, de gseht me wie schlächt
Mir se wüsse z schetze, das zehrt a de Chräft
Dir chöit säge, was der weit, aber Greta het rächt
Zvöu Dummi umi ume si am Grundlage figge
Vater Staat seits, mir si stumm, brav am Nicke
... Und mache mit, si drum grad verwicklet
Und sötte langsam lehre, e Sturmschade flicke
Jo, das Wätter foht wie mir afo spinne
Mir wättere scho, es wird eh nume schlimmer
Ziit isch am Loufe, me gseht se verrinne
... Mir si am Kommerz sini Chinder

Mängisch bini hässig und i cha die Wuet erkläre
Gottverdammti Mueterfigger figge Mueter Ärde
Presse Profit druus, bitter am entwärte
Bitchmoves, unbestritte simer Täter

Aui nomou anecho, aui nomou anestoh
Mama het scho Schade gno, mir sötte ändlech z fadeschloh
Wie mer üse Chare do... usem Dräck wei zieh anstatt abeloh, weme wott, chame scho
Back to roots, Respäkt für d Natuur
Dä Räpper macht Moves, meh Dräck i Grooves
Ou ig verschütte Drip, und schläckene nid uuf
Mir hingerlöh aui Schandfläcke i däm Huus
Egau, wie vöu me het, me isch meischtens nid riich
Bescheidener si i sim eigete Riich
... Wiene König, wos weiss und begriifft:
Mir chöi aues teile, mir si eigentlech gliich
Aber äbe, mit loufende Chriege im Gang
Süsch wär überhoupt jo niemer im Stang
Mama Ärde wott gloub, dass mer lieb si mitnang
Vo Ärde zu Stoub, gang dr Liebi entlang

Mängisch bini hässig und i cha die Wuet erkläre
Gottverdammti Mueterfigger figge Mueter Ärde
Presse Profit druus, bitter am entwärte
Bitchmoves, unbestritte simer Täter

Beat: Sandro Purplegreen
feat. P. Nero

Es isch mis, immer für Bars i dr Mood
no cheats, i bi nid aagwise druuf
I mache aues säuber und warte nid druf
Auso please, i bi nid aagwise druuf

Zwüschedüre choufi Beats, aber müesst nid
Erwitere mi Horizont, är begrüess mi
Und nei... niemer überprüeft mi
De müesst dir... Ender ufstoh so wie d Früehschicht
Ah, guete aute Rap i sire Reinform!
Öichi beschte Bars si füre Brain Norm
Für mi Teil, jo, machtses vo allei do
... Empfindlechi Rapper gschider heigo
Si hei scho... dr Optisch, wie Kaleido...
... Skop, dräie düre, wöu aues im Kreis goht
I ha eifach mis Innerschte freiglo
I chascho gaaanz lang uf eigete Bei stoh
Ob Beats oder Raps, i bi fliissig und läbs
Uus... zum Bischpöu mit Wysswy und Schnäps
Nei, es macht ni, dassi riich bi wie Schätz
aber angersch, Du würdsches begriife, wenns hättsch

Es isch mis, immer für Bars i dr Mood
no cheats, i bi nid aagwise druuf
I mache aues säuber und warte nid druf
Auso please, i bi nid aagwise druuf

P. Nero

Es isch mis, immer für Bars i dr Mood
no cheats, i bi nid aagwise druuf
I mache aues säuber und warte nid druf
Auso please, i bi nid aagwise druuf

Likes? Bi nid aagwise druuf
Hype? Bi nid aagwise druuf
Mic? Isch das, wasi bruuch
Wöu solangi läbe chöme Bars usem Muu

Es isch mis, immer für Bars i dr Mood
no cheats, i bi nid aagwise druuf
I mache aues säuber und warte nid druf
Auso please, i bi nid aagwise druuf

Beat: Doc Breasy

Jo, si mache aues wone Stutz bringt
Stutzgringe i mim Spamschutz dinn
Wenni schiesse, de lueg, dass di ducksch, gschwing
wöu i nime di nid wohr, du huere Stutzgring

Lueg was si tüe, zum no me usehole
Ha huere mi Müeh, wöu si gseh nume Chole
Wohi ases füehrt, dass bliibt ne eh jo so gstohle
... Si poliere fliissig Gwehr und Pischtole
. es isch scho chli so, dass mi stresst
. Wenni ghöre, vode Boni Exzess
S Vertroue i d Mönsche vergoht mer nid zletscht
... Wöu si nang verrote für Schecks
.Wasme nid aues macht für dä Stutz, s git Macht für dä Stutz, Wache zum Schutz!
Beachtet dä Druck, uf die Schwache wird gspuckt!
...es louft use, ufne Schlacht wie ir Hook
I bi scho wider in Rage jetz, wenni mi i das versetz, und darf doch nid
Stutzgringe-Föuter i Arsch e tritt
Ufxetzt wie Pageschnitt, schaad wases git

Jo, si mache aues wone Stutz bringt
Stutzgringe i mim Spamschutz dinn
Wenni schiesse, de lueg, dass di ducksch, gschwing
wöu i nime di nid wohr, du huere Stutzgring

Beat: Doc Breasy

Hey, niemer isch di Feind
Liebi isch im Keim
Ziehse wiene Strain
Hey, erliechtere dis Brain
Lieder mache frei
Diene nid am Game

Nei, i diene nid am Game, man, i playes
Wär überleit drübersteit dä het Haters
Dasch e Zeiche - es hazed, chasch go blaze
Bis si dräie am Rad wiene Speiche
Während si ihri Liebi wie Geisle
Im Chäuer vor Iiversucht peitsche
Schüüre si Hass, si verleitet
Ihre Fruscht i mi Vibe cho verbreite
So ziehni haut angeri Seite
Uuf, zum mi Kampf go vereitle
Gäge mi säuber e Gfreite
Das Läbe nid wäuz lo entgleite
Reizes... Uus wiene Skater
Und gheiter mou um, jo, de steiter
Wider uf... Isch nid sone Heikle
Was weiter?

Hey, niemer isch di Feind
Liebi isch im Keim
Ziehse wiene Strain
Hey, erliechtere dis Brain
Lieder mache frei
Diene nid am Game

Und gliich ou mou chli Leine gä
Chumm, riiss nid sone Stei wie dä
Riis, was no chasch hei mitnä
Nimm Riissuus über Stei im Wäg

liecht wie Fäderbäu
schiessi mit Läderbäu
gniesse mis Läbe wäuz
gspliesse nid wägem Gäud
... i beschütze mi Liebi zur Sach
... und schüttle mit Lieder nech wach
... Glück isch haut wie me sechs macht
... Nütz, wasech bietet und passt
... Hüt nid verbiete dr Spass
und i schüpfe se zrügg, aui Niete a place

Hey, niemer isch di Feind
Liebi isch im Keim
Ziehse wiene Strain
Hey, erliechtere dis Brain
Lieder mache frei
Diene nid am Game

Beat: Doc Breasy

Jo, i bi guet dran, gad jetz i däm Zuestang
I bi no gnue dran, das gibi jo zue, mann
Es liggt mer ir Bluetbahn, git mer dä Muet lang
Erhitze dr shit biser lit isch mit Gluet dran
Do liggt jedi Wuet lahm mitere Rueh zahm
Bitter wenn nid blicksch, wie nid gfiggt das tuet, mann
Wohär au mi Muet stammt? I wittere gnue Angscht!
... Aso trip nid und gib dir dr Zuegang
Positivi Vibes hei uf sicher e Platz do
... dr Räschte wird gstriche, ersatzlos
Ke Kiffer mit Pathos aber Spliffs ou im Sacko
E Schicht mit de Vatos, sicher nid gschmacklos
Üs triffsch i dr Stadt do, si brichte bim Klatsch vo
de Gentlemen, Mister und Machos
Dermit i Kontakt cho? gib der dr Takt vor
Aber du chasches nidemou gradso

Chume abe mitem Pott
Wott ke Fade i mim Chopf
Dä isch glade wiene Glock
I mache was i wott
Chume abe mitem Pott
ha uf Zabble so ke Bock
Du chasch labere di Schrott
Doch i mache, was i wott

Und i chume abe wieni wott ufe Bode
... Nume hane lieber scho e chli dobe.
On top, e chli ghobe, di Chopf überfloge
Kene stoppt mi, i brodle, mi Topf ufem Ofe
bi mir loufts heiss, du bisch so-fort verchohlet
.. i weiss, dassech mini Opfer erhole
... Du woschts im Lotto go hole,
S Xox go versohle, boxe bis bolet
Hass stinkt, as häde Hater e Fahne
Heiterefahne s Läbe leitets i d Bahne
... ufem Wäg zum vereinte Ermahne:
s geit nid um Zahle wöu de geits i d Anale
Aui wei meh und wärde greizt isch z erahne
... Das het sich jo scho zeigt mit de Drame
... Lieber e sprängi as verbreiti dr Rahme... Wenns mer längt de geits nech a Chrage

Chume abe mitem Pott
Wott ke Fade i mim Chopf
Dä isch glade wiene Glock
I mache was i wott
Chume abe mitem Pott
ha uf Zabble so ke Bock
Du chasch labere di Schrott
Doch i mache, was i wott

Entweder hesches oder nid und reglischder di shit
... Oder machsches mit jedem wine Biiitch
hebe a mim dick? I verpflege di doch nid
Du hesch s Muu offe und strebisch nach no meh

Beat: Doc Breasy

ir Primarschueu passiert die Entdecking
dr Rahim chunnt mit sim Lieblingskassettli
süsch het er Trouble verteilt, jetz aber es Tape
die ganzi Klass uf NWA
ah yeah, okee, i gloub, um mi ischs gscheh
und dä Zug risst mi mit wiene TGV
ab däm Zytpunkt hani e tröie Begleiter
wachse zäme uf und si Fröid am verbreite
Dä Hip Hop, jetz ischer Läbesmitti
Wenn si glacht hei, hei mer müesse säge: figg di!
hami lang gwehrt gäge Margechleider
Aber ou d Shirts vom Papa si zum trage breiter
Plötzlech chunnter hei mit Atari und Cubase
Zu geil, Lego und Playmobil bruuchts keis
Mache Beats wie beuftreit ha Raps obedrufgleit
Aber wases mitmer macht het niemer vorusgseit

Babe, was machsch de du mit mir?
säg mer was du machsch
Babe, was machsch de du mit mir?
ständig bini wach
Babe, was machsch de du mit mir?
Hip-Hop!
Babe, was machsch de du mit mir?

I weiss bis hüt noni gnau, was Rap mit mer macht
Är beschützt mi, dä Sound, diräkt vorem Krach
Är git mim Usdruck Form mit däm Ziu
Aue Druck us mer useloh Bullshit Väntiu
Bi scho sit Entstehig vor Crew grad derbii
Mit B-Boys und DJs aus Group Therapy
Mit Buddha und P, mit Studah und C
Mitm Tim, mitm Sam, mit de Tumas und em G
Mitm Doobie und J-Rome e Einheit gsi
mi man seit mer back then Brain MC
Scho so lang dinn und nie vom Game Teil gsi
Du weisch wie das geit, si scho denn geil gsi
Dass e Schiibe wottsch ha wie vom Brotstück
Bringes is Härz und nid uf d Stroos zrügg
Wome s Läbe aafoht das isch Losglück
Het Hip Hop d Antwort uf mini Froog hüt?

Babe, was machsch de du mit mir?
säg mer was du machsch
Babe, was machsch de du mit mir?
ständig bini wach
Babe, was machsch de du mit mir?
Hip-Hop!
Babe, was machsch de du mit mir?

Hip Hop
ha Vertroue uf di, ha mi Roue bi dir, i boue uf di
Hip Hop
I flowe mit dir, growe mit dir, roue mit dir
Hip Hop
Verzouberet mi wöus loht lo gloube a sich
Hip Hop
Ha Ouge für di, wie bi mire Frou frogi mi

Babe, was machsch de du mit mir?
säg mer was du machsch
Babe, was machsch de du mit mir?
ständig bini wach
Babe, was machsch de du mit mir?
Hip-Hop!
Babe, was machsch de du mit mir?