about me
Sit 1994 bini am Beats mache, zwöi Johr spöter hani aafo rappe. Jep, i bi scho lang dra und no lang dra.
Soly (Solothurn) repräsentiere isch mer scho immer wichtig gsi. Nid nume ig bi dr Bewiis, dass sich do die Auerbeschte vom Fach tummle 😎
Mit mire erschte Crew Group Therapy (GT) hani üsi lokali Rapszene ufgmischt – mir hei regionau a Jams und Cyphers represented, paar Konzärt gspöut, vöu ufgno, säubergmachti Tapes uf CDs brönnt und verteilt. 2007 hei mer es Aubum gmacht: GT Vol. 1. Überigens: Schiins het das dr damaus ca. 14jährig Pronto fliissig glost ♫
Im 2020 hani s erschtmou säuber überau digitau released, immerno unger GT-Flagge – bis 2022. Sit Vagabund unger Mou Music. Nach über 100 Songs hani aues Ändi 2023 wider offline gno. Do uf mire Homepage fingsches – frei zum streame. Jo, dr Player funzt ou bi Taschtatuursperri. Gang nume go drilose! Schriib mer, faus vo Öppisem e Download-Link wottsch. Enjoy✅
Nachem Downtake Ändi 2023 hani checked: es geit gar nid ohni Musigmache! I loh mer eifach freie Louf. Mi Usdruck gfunge ha und ne usläbe tuet haut scho huere guet! – zrügghäbe isch ke Option. Drum: chasch di no uf vöu fröie! I mache witer und luege mou!